Reportajen Joselina Dos Santos
Organizasaun Arte Marsiais (OAM), Persaudaraan Setia Hati Terate (PSHT) Timor-Leste, realiza surumutu Fraternidade Internal PSHT Timor-Leste Hodi Solusiona Problema Membru Organizasaun PSHT sira hasoru Iha Timor-Leste hodi fó nia valor no esperansa atu lori dezenvolvimentu ba Timor-Leste.
Prezidente Persaudaraan Setia Hati Terat (PSHT) Timor-Leste, Baltazar Lemos, hateten, ohin ne’e PSHT enkontru kona-ba problema internal organizasaun nian hamutuk ho Ministeriu Edukasaun Juventude Deaportu no Komadante Operasional, maibé husi parte PSHT sira la partisipa entaun sei hasoru malu ho sira atu afirma nafatin organizasaun PSHT iha Timor-Leste.
“Atu kontinuasaun depois de sira mai enkotru ho ami mak fó sai iha konvite sá loron mak ami ko’alia tan asuntu ida ne’e. Buat sira ne’e la’o normal laiha ida mak negativu hotu-hotu ho intensaun positivu, atu organizasaun PSHT iha Timor-Leste sei kontinua ba oin hodi fó nia valor esperansa hodi lori dezenvolvimentu ba Timor-Leste,” dehan Prezidente Baltazar Lemos, iha Salaun Timor Lodge, Comoro, Sabadu 22/07.
Nia haktuir, PSHT fó konvite ba estrutura legal, nasional, maibé sira la mai entaun iha buat balun ne’ebe presiza ko’alia, tanba PSHT iha Timor ne’e ida deit. Provisaun solusaun seidauk iha mais espera katak aban ba oin bele iha solusaun, laiha razaun ruma mas iha asuntu importante balun mak seidauk mai espera buat hotu la’o diak.
“Graduasaun ba tinan ida ne’e suspende seguransa fó supervisoriu hodi rezolve problema internal nian, governu no Polísia laiha direitu atu suspende mais polísia foti medida ida atu ami bele rezolve problema ne’e ho lalais tanba suspende atividade provisóriu deit nune’e sei muda tempu,” nia informa.
Iha fatin hanesan, Prezidente Komisaun Regulamentu Arte Marsiais (KRAM), Fernando António da Costa “Ato Lekinawa” hatutan, ohin ne’e solusaun ida ona tanba solusaun ne’e boot entaun solusaun balun hahú ona, ohin konsege kontaktu hahú depois haree prosesu ida-idak neik-neik sei to’o iha solusaun.
“Suspensaun ne’e sementara deit tanba konsidera katak iha problema internal, problema ne’e lori ona ba nivel Parlamentu to’o iha Ministeriu Juventude Desportu no Ministeriu Interior, nune’e husu atu PSHT rezolve tiha nia problema internal ne’e depois bele kontinua”, dehan Prezidente.
