Home Notisia Viajem Problematika ho Malindo, Pedro Carrascalão: Malindo Kumpri ona nia Servisu

Viajem Problematika ho Malindo, Pedro Carrascalão: Malindo Kumpri ona nia Servisu

279
0
Pedro Carrascalão. [Foto: David da Costa | 01.05.2021]

Reportazen Zevonia Vieira

Entrevista ne’e Neon Metin halo ho Pedro Carrascalão via WhasApp. Fofoun Senhor Pedro hakarak hasoru Neon Metin hodi halo entrevista direta, maibe tanba asuntu importante seluk, ikusmai hatan Neon Metin nia pergunta liuhosi WhatsApp.

Ami hetan informasaun hosi ajensia no pasajeiru balun katak Malindo mak kansela timoroan sira nia viajem no hakarak tula fila mai Timor.

Iha fulan fevereiru 2021, Ajensia Travel Narpov husu hasoru ha’u. Iha enkontro ne’e, Senhor Jack hosi Agensia Narpov Ateita hatete katak nia iha timoroan iha rai li’ur hakarak fila. Balun hosi UK (United Kingdom, Irlanda no Korea.  Nia dehan nia bele urus sira fila, maiba aviaun atu mai Timor mak la iha.   Ha’u dehan ba nia, aviaun agora ne’e so Charter/aluga mak bele ho status Repatriasaun. Tanba objetivu hodi tula Timor oan fila ba nia rain rasik.  Ho nune’e, Senhor Jack husi Agensia Narpov konkorda halo Charter hodi bele tula pasajeiru sira ne’ebe nia organiza hela.   Konaba aluga aviaun hosi Kuala Lumpur – Dili – Kuala Lumpur, husik ba ha’u mak organiza, tanba ha’u iha koneksi ho kompanhia aérea sira.  Maibe nia tenki selu kustu charter ne’e tanba nia rasik fa’an tiket ba pasajeiru sira. Senhor Jack hosi Agensia Narpov konkorda. Loron 1 marsu, ha’u asina Charter Agreement ho Malindo Air hodi mai iha 30 marsu, maibe tanba Dili iha situasaun Serka Sanitaria hela, ha’u labele urus buat ruma tan fatin hotu taka, liu liu Ministerio Transporte ne’ebe nia funsionariu balun positivu Covid-19.   Ho nune’e, loron viajem aviaun nian muda fali ba 16 abril 2021.  

Hosi inísiu marsu to abril nia klaran, iha ema barak mak husu no kontaktu ha’u diretamente hakarak sosa tiket aviaun, maibe ha’u dehan ba sira katak ha’u la iha ‘urusan’ ho fa’an tiket. Ha’u hateten bebeik ba sira atu ba de’it ajensia Narpov Ateita, tanba ajensia ne’e mak fa’an tiket.

Kompanhia Malindo Air hatete mai ha’u katak sira fo tempu to’o loron neen (6) molok loron aviaun semu, rekezitu administrativu tenke hatama hotu ona,  inklui pasajeiru sira nia tiket viajem sai hosi Kuala Lumpur ba rai seluk. Razaun tanba imigrasaun Malásia presiza hatene momos kompanhia aérea ida ne’ebe mak atu tula sira sai ba fatin seluk (destino final). Malindo Air nudar aviaun ne’ebe mak tula pasajeiru sira hosi Dili tenki informa ba parte imigrasaun Malásia, liuliu tanba pasajeiru ne’ebe atu ba ne’e barak. Maski ha’u insisti bebeik tiket sai hosi Kuala Lumpur ba Ajensia Travel, maibe sira la fo to’o aviaun tun iha Dili.    

Tanba sa aviaun mai Dili nafatin maski pasajeiru sira ne’ebe atu sai hosi Dili seidauk hatudu tiket viajem sai husi Kuala lumpur ba Europa neba?  Tanba aviaun ne’e mai tula pasajeiru sira hosi UK, Indonesia, Korea, Portugal fila mai Timor. Tuir loloos aviaun tun iha 16 abril, maibe tanba autorizasaun atu tun iha aeroportu Dili foin sai iha 17 abril. Tan ne’e 18 abril mak aviaun foin to’o iha Dili.

Ha’u hare rasik iha Aeroporto bainhira aviaun hela de’it minutu 30 atu landing, ajensia Narpov Ateita foin fahe tiket ba pasajeiru sira. Tan ajensia seidauk haruka onward ticket molok aviaun sai hosi Kuala Lumpur mai Dili, Malindo Air rasik husu ha’u ho ajensia Ground Handling atu check didi’ak pasajeiru sira nia dokumentu molok tama aviaun.  Iha duni pasajeiru na’in 16 mak ha’u la fo sira sa’e aviaun tanba sira nia itinerariu liu Barcelona, Espanha. Razaun tanba iha Espanha lockdown hela. Problema seluk mak pasajeiru sira ne’e la iha ticket fila.  Husi pasajeiru na’in 16 ne’e, na’in rua mak bele sa’e aviaun tanba uza passaporte Portugal. 

Tanba sa la buka atu rezolve iha KL hodi fasilita sira kontinua viajem? Iha KL mos iha PCR test?

 Malindo nia responsabilidade mak flight hosi Kuala lumpur – Dili – Kuala Lumpur de’it.    Bainhira pasajeiru sa’e aviaun seluk ona, ne’e la’os ona responsabilidade Malindo nian. Maski nune’e Malindo tenta atu tulun pasajeiru sira ne’e, maibe kompanhia aérea KLM ne’ebe pasajeiru sira atu sa’e tutan ne’e mak lakohi simu atu check-in.

Narpov dehan seidauk simu billeti Dili-KL 18 abril nian. Tanba sa mak Malindo seidauk fo?

Agensia travel Narpov tuir loloos hanesan agensia travel ida hatene diferensa entre charter flight ho regular flight.   Charter flight ne’e depende de’it ba se mak aluga aviaun. Tiket primeiru ba aviaun atu semo iha 16 abril Malindo emiti ona, no ha’u rasik haruka ba agensia Narpov ‘muito antes’ 16 abril, tuir lista ikus pasaeiru nian ne’ebe sira haruka mai.  Tuir loloos labele iha mudansa desde loron 6 antes, maibe Agensia Narpov muda naran lista bebeik.  Balun hasai, depois aumenta naran foun.  Sira nebe naran foun ne’e mos Malindo issue nafatin tuir pedidu ajensia travel Narpov ne’e.    Tanba aviaun muda ba 18 abril ne’e.  Tiket ne’ebe issue ona molok 16 abril validu nafatin tanba ida ne’e aviaun charter nian. Tanba charter, aviaun mai Dili ‘khusus’ atu tula pasajeiru sira ne’ebe sosa tiket iha ajensia Narpov ne’e. Ema seluk, labele!  Tanba ne’e, tuir ha’u nia hanoin, Narpov buka razaun de’it atu fo sala ema seluk.  Aviaun ne’e charter tanba pedidu ajensia Narpov nian. Ida ne’e sira seidauk kompreende nafatin ne’e. Tiket ne’ebe Malindo fo ona ba ajensia Narpov, pasajeiru sira la hetan to’o aviaun tun iha Dili. Nusa agora fo sala fali Malindo?  

Oinsa ho pasajeiru nebe sei hela iha izolamentu Malásia tan pozitif covid?

Pasajeiru ho passaporte Portugal nebe tama hela karantina tanba hafoin British High Commision Kuala Lumpur deside ema hotu ho pasaporte Portugal bele kontinua nia viagem, maibe tenki submete ba PCR test foun. Rezultadu PCR test pasajeiru ida pozitivu.  Ema pozitivu ne’e mos tenke tama ba karantina. Bainhira presiza hasai osan hodi tulun pasajeiru sira ne’e, ajensia Narpov nia lalatak mos ha’u la hetan.  Espera pasaeir remata nia peridu karantin, ajensia Narpov hatene ona rezolve pasajeiru nia problema. Tanba ajensia viajem mak organiza pasajeiru sira halo PCR test, no Ajensia Narpov rasik mak hare dokumento PCR test sira ne’e molok sai husi Dili. Ha’u fo hatene ona Ajensia Narpov katak di’ak liu buka dalan rezolve pasajeiru nia problema, no para ona fo sala bebeik ba Malindo. Malindo kumpri ona nia servisu.   

Print Friendly, PDF & Email

LEAVE A REPLY

Please enter your comment!
Please enter your name here