Home EduTek AJTL, Moonshot no Blackdot Fo Treinamentu Fack-Cheking ba Jornalista, Oinsá Verfika Propaganda...

AJTL, Moonshot no Blackdot Fo Treinamentu Fack-Cheking ba Jornalista, Oinsá Verfika Propaganda no Fake News

721
0
Ekipa Moonshot, Blackdot no partisipasipante sira hasai foto hamutuk. [Foto: Joaquim | 25.07.2023]

Reportajen Adroaldo “Saretukau”

Asosiasaun Jornalista Timor Lorosa’e (AJTL) servisu hamutuk ho Moonshot hosi Reinu Unidu no Blackdot hosi Singapura fo treinamentu Fact-Checking iha Timor-Leste ba jornalista sira ho tema “Timor-Leste Fact Checker and Media Workdhop” hodi hasa’e sira nia koñesimentu no abilidade oinsá identifika ka verifika informasaun falsu (fake news) no oinsa halo analiza ba propaganda sira ne’ebé espalla iha públiku liu hosi media sosial no oinsá kombate informasaun falsu hirak ne’e.

Iha treinamentu ne’ebé hala’o iha Tower, Fatuhada, tersa-feira (24/07), Prezidente AJTL, Zevonia Vieira, hato’o, treinamentu ida ne’e hanesan kontinusaun hosi treinamentu primeiru mak AJTL ho Cek Fakta Indonesia halo, no ida ne’e nia kontinuasaun ne’ebé AJTL servisu hamutuk ho Moonshot.

“Ohin AJTL servishu ho Moonshot, realiza formasaun ne’ebé liga konabá oinsá verifika informasaun. Objetivu hosi formasaun ne’e atu kapasita kolega sira, oinsá atu identifika informasaun falsu iha sosial media nomos plataforma dijital sira seluk.”

Prezidente AJTL espera iha treinamentu ne’e, partisipante sira bele aprende tan tools foun hodi hafoun tan sira nia abilidade no koñesimentu hodi ajuda jornaslista sira identifika informasaun sira ne’ebé espalla iha plataforma dijital, hodi kombate fake news ka informasaun falsu sira.

Iha fatin hanesan reprezentante International Project Manager organizasaun Moonshot hosi Reinu Unidu, Rachel Fielden haksolok ho partisipante sira ne’ebé partisipan ona treinamentu ida ne’e, nia espera treinamentu ida ne’e “iha valor informativu ba ita boot sira tanba ita boot sira mak abitua liu ho servisu sira ne’ebé mak ita boot sira halo lor-loron ho saída mak sei aprezenta.”

Partisipante Joaquim de Fátima Coutinho, nu’udar Jestor Radiu Komunidade Maubisse Mauloko sente kontente partisipa iha treinamentu ida ne’e, tanba bele hasa’e nia abilidade oinsá verifika faktus nomos hatene uluk informasau ho kle’an molok fahe tutan.

“Ha’u pesoal em nome mos Radiu Maubisse sente ksolok tanba liu hosi treinamentu sira hanesan ne’e, ita bele hatene konabá fontes informasaun ne’ebé ita ho ita rasik fo sai, públiku mos fo sai oinsá ita bele check, konabá konteúdu notísia ne’e rasik, loos ka laloos.”

Jestor ne’e mos agradese ba AJTL ne’ebé kopera ho Moonshot no Blackdot ba treinamentu ida ne’e, nia espera treinamentu ida ne’e, bele fo rejultadu di’ak ba sira durante loron rua nia laran hodi aprende oinsá verfika faktus hosi informsaun sir antes fahe.

“Sé wainhira atu fo sai notísia ruma ka atu fahe notísia ruma ami tenki halo lai checking, re-check oinsá para atu bele hatene, informasaun ne’e loos, klaru antes ita konsumu ou fo sai ba públiku.”

Treinamentu ne’e rasik fasilita hosi membru AJTL, Moonshot no Blackdot ho matéria sira konaba oinsá Verifika no kombate fake, nomos tools ne’ebé uza hodi identifika informasaun falsu sira. Treinamentu ne’e hala’o durante loron rua, segunda no tersa (24 no 25) iha Salaun Tawer Fatuhada, Díli.

Partisipante sira iha treinamentu ne’e mai hosi media online Neon Metin, Lafaek News, Media Mudansa, Timor Post, Hatutan, Radio Komunidade Maubisse no Covataroman, organiasaun Ra’es Hadomi Timor Oan (RHTO) no Youth Making Change inklui estudante Universidade Nasional Timor Lorosa’e (UNTL).

Print Friendly, PDF & Email

LEAVE A REPLY

Please enter your comment!
Please enter your name here