Reportajen Joanina Casemiro
Sekretáriu Estadu Juventude no Desportu (SEJD) Abrão Saldanha hateten, programa desportu no juventude nian tau prioridade nafatin, ne’ebe atu halo iha tinan 2023 maske orsamentu husi $9 milloens redús ba $5 milloens. Ho orsamentu ne’ebe redús, maibe nafatin tau prioridade ba area desportu nian ho eventu nasionál no lokál iha kampionatu kontinua iha.
Liga ba iha desportu nia balun iha, maibé tinan oin eventu jogu internasionál, asegura partisipasaun internasional tolu hanesan jogu aziátiku, Asia GAMES no seluk tan no espesiál Olímpiku, ema ho defisiensia nian no intelektuál.
“Iha eventu regional no internasional balun ne’ebe tau iha planu, iha nivel nasional ita tau ona osan balun iha eskola, no tinan oin iha baze agora prepara ona ekipa iha munisípiu sira atu estabelese asosiasaun desportu eskolar,” dehan Abrão Saldanha ba jornalista sira iha salaun CNE, Kinta 29/12.
Alende ne’e, nia haktuir horseik no aban munisipiu ne’en uluk atu hahu book buat ruma husi asosiasaun desportu eskolar. Iha tinan oin tau orsamentu iha nivel lokál ho festival desportu munisipál, hahú munisípiu sira nia eventu para nune’e tinan oin bele iha desportu nasional.
Nune’e mos iha formasaun iha area desportu nia kontinua halo nafatin, ho fundus operasionais organizasaun desportu sei kontinua nafatin maibé tinan oin osan redus.
“Ami sei imprime fali aproveita osan redús atu reazusta modelu jestaun ne’ebe iha durante ne’e, agora ita tenke hetan rezultadu hamutuk ho federasaun sira,” Nia Tenik
Nia haforsa tan mas oinsá estadu nia partisipasaun no saida mak federasaun atu partisipa tenke iha diskusaun rua ne’e konkorda malu bele halo parseria. Estadu no federasaun halo parseiru governu liu husi Sekretáriu Estadu Juventude no Desportu (SEJD) parseiru saida mak federasaun halo no estadu halo ida tenke diskute klaru.
