Reportajem Filomena da Conceição
Atu komemora loron konsultasaun pupular ba dala-24,Ministériu Administrasaun Estatal (MAE), husu ba komunidade sira hotu limpeza iha ida-idak nia bairo hodi komemora loron 30 Agostu. Tanba ne’e, ema hotu tenke hatene moris iha sidade hodi jere nia an, atu halo limpeza iha idak-idak hela fatin no bairo laran.
Ministériu Administrasaun Estatal (MAE), Tomás do Rasário Cabral, hateten, tema sentral ba komerasaun 30 de agostu mak limpeza Jerál iha bairro ida-idak, tanba ne’e sidadun ida-idak tenke hatene moris iha sidade hodi jere nia an, atu halo limpeza iha idak-idak nia fatin. Tanba Sekretariu Estadu Asuntu Toponómia Organizasaun Urbana hahú aprova tiha ona tema sentral ba komemorasaun 30 de Agostu maka limpeza Jerál.
Tanba ohin loron akontese iha mundu, liu-liu iha Nações Unidas akontese marajol, mudansa klimátika, meiu ambiente, tanba ne’e mak Timor-Leste komemora 30 de agostu ho tema limpeza iha sidade rasik, atu nune’e sidadaun hotu bele moris iha ambiente moos no saudável.
“Objetivu hili tema limpeza ba Lizu hodi komemora 30 de Agostu tanba iha Dili, ita mais de 300 mil pessoas habitantes, mak hela iha Dili, tanba ne’e maka jestaun orden publika, ordena hela sidade laran, maské ema barak mak kritika no bo’ot sira kritika, maibé sé ita la tau orden mak sidade sei konfuzaun liu tan” dehan Ministério Administrasaun Estatal (Mãe), Tomás do Rasário Cabral, ba jornalista sira iha Edifísiu Mae, Kaikoli, segunda 28/08.
Nia Hatuir, Timor-Leste iha illa ki’ik tanba ne’e preiza duni komerasaun ne’e halo sensibilizasaun, hodi bele hatene oinsá moris iha sidade nian, hodi tau Lizu iha nia fatin, tanba Timoroan presiza hadomi nia rai liuhusi zere idak-idak nia-an hodi hala’o limpeza iha kada bairro.
“Komemorasaun 30 de Agostu hanesan loron nasionál hodi hanoin ikas fila fali ba situasaun hirak ne’ebé akontese iha kotuk, mais importante mak ita bele komemora maibé ita laiha paz no instabilidade komemorasaun ne’e sei la vale, tanba ne’e, ita hakarak paz no instabilidade hodi sidade ne’e mós “, Nia esplika.
Entretantu, 30 de Agostu, iha drum-band, husi estudante sira iha fatin-fatin, balun mai husi kristu-Rei nian, balun husi balide mak tun no balun sei mai hamutuk iha Quartel Generál FDTL nian depois mak hasoru malu iha resintu Ponte B.J. Habibie hodi komemora 30 de Agostu.