Reportajen Agustinha Amaral
Iha lansametu pakote video istória ba asegura sustentabilidade bee no saneamentu no ijiene rurais iha munisipiu Liquiça no Manufahe, Vise Prezidente Bee Timor-Leste (BTL), Empreza Públika, Zeca Smith hatete, lansanmentu ida ne’e importante los depois de akompanha iha programa lubuk id mak parseiru sira halo liu-liu ONG Water Aid ne’ebe mak sai mos parseiru diak ba ita nia governu, sira konsege halo kobertura iha munisipiu balu.
Nia hatutan, sira deskobre iha area remotas no area rurais sira halo kordenasaun di’ak teb-tebes ho lideransa komunitáriu no lideransa lokal sira bele fo apoiu ba sira oinsá mak sira bele implementa sira nia programa ho di’ak no susesu.
“Lia na’in sira parte husi munisipiu rua mak hanesan Liquiça no Manufahe no mos atoridade sira, Diretor SEMASA, Administrador Postu sira hotu iha komitmentu, sira kontinua apoiu programa ida ne’e atu bele lori duni traformasaun ba moris liu husi asesu bee no agua potavel ba moris lor-loron,” Vice Prezidente BTL.EP Zeca Smith ba jornalista sira iha edifisiu FOKUPERS, segunda 11/24.
Nia espera katak sira nia rezistensia kontinua hetan nafati apoiu maksimu husi parte hotu-hotu no sira bele sai parseiru ho governu.
Nia hato’o, ba povu tomak no parseiru hotu nia resposabilidade no papel sira ne’e importante loo ba sosiadade, komunidade, ita nia lider lokal sira ita-nia governu lokal sira, autoridade sira ne’ebe mak servisu iha munisipiu, suku aldeia apoiu sira atu ajuda trasforma duni servisu ne’ebe mak sira halo.
Lori BTL nia naran hakarak hato’o apresiasaun ba Water Aid nomos Diretor HAK no ekipa tomak ba parseiru ne’ebe mak durante ne’e halo servisu koperasaun hamutuk bele lori nia rezultadu no vatajen pozitivu ba ita-nia povu liu-liu iha área rurais no area remotas.
“Ita ko’alia sobre bee-mos, dala ruma ema hanoin bee mos ne’e resposabilidade prisipal iha de’it BTL.EP maibé se ko’alia bee ne’e iha ema hotu-hotu nia resposabilidade, por tantu husi governu ajénsia sira nomos lideransa komunitáriu sira, Xefe suku no lia na’in sira halo kodernasaun, importante hodi tau sira-nia resposabilidade rekursus, lori vatajen di’ak ba ita nia povu”.