Reportajen Zemila da Costa Calau
Reitór UNTL Professor Dr. Joao Soares informa ba estudante UNTL sira ne’ebe para on eskola iha tempu naruk, hodi bele regulariza fila fali nia situasaun ne’ebe hahu ona husi Fevereiru to’o 31 Outubro 2024.
Liuhusi konferénsia imprensa, Reitór UNTL hateten estudante sira ne’ebe mak mai hikas primariza sira nia situasaun, mak hahu husi tinan 2001 to’o 2012.
“Ami atu hato’o rezultadu husi número nain hira mak konsege mai rejista, no regulariza sira nia situasaun, nain hira mak ami tenki elamina husi sistema baze dados no interna, ao mezmo tempo orsida ami sei fó oportunidade ba estudante sira ne’ebé mak ativu husi 2013 ba to 2018, ami sei fó sira tempo to’o loron 31 Jullu 2025, sira bele uza oportunidade atu bele mai regulariza sira nia situasaun, se karik sira hakarak nafatin kontinua eskola nafatin iha Universidade Nasional Timor Lorosae”. Dehan Reitor UNTL, iha loron 13/11/2024.
Iha sorin seluk Vice Reitór Samuel Freitas dehan iha universidde ida bainhira dados ba estudante ne’ebé la ativo, ka la mai aulas, ne’e indikadór ne’ebé ladun diak ba kualidade, tanba iha estudante barak mak maioria mak la ativo, ita nia regulamento akademiko UNTL nian ne’ebé vigora dezde 2013, hatu’ur klaru katak iha ninia désimu, se mak la kumpre prazu atu konklui kursu lolos ne’e nia tenke Drop Out.
Total estudante ne’ebé mak iha ita nia bazar UNTL, hamutuk 48.134 ne’e total rejistradu no depois 26.005 UNTL konsidera hanesan la ativu 54,03%, konsidera hanesan iha hela no 45,97% deit maka ativu.
UNTL la ativu mak ema ne’ebé la halo inskrisaun semester tuituir malu, tamba ne’e mak dezde 2022 UNTL. Iha 18 meses ba ema hotu-hotu atu regulariza too Fevereiru, maibe agora dadaun estudante 400 deit mak mai halo regularizasaun, Nune UNTL deside tan espesifikamente fó fali periodu ba regularizasaun matrikula ba alunos ladun ativo kontizente 2000 to’o 2012.
UNTL konsege to’o iha periodu final 31 Outubru 2024 konsege simu fali 239 estudante husi total 9248 ne’ebé mak la ativu.
Nia mos relata katak total fakuldade hirak ne’ebé mak la ativo mak hanesan, Agrikultura 787, Enge nharia, Ciençia e Tecnologia 753, Educaçao Arte e Humanidades 2536, Medicina e Ciençia de Saúde195, Economia e Gestao 772, Ciençias Soçiais 966, Direito 503, Ciencias Exatas 164, Filosofia 138, Turismo, Artes e Indústrias Criativas e Culturais 335.
