Reportajen David da Costa
Uniaun Europeia (UE) iha Timor-Leste, parseria ho Ministériu Administrasaun Estatál (MAE), hodi organiza workshop hodi diskute kona-ba desentralizasaun iha Timor-Leste hodi Lori Servisu Munisipal Besik liutan ba Sidadaun sira hotu-hotu iha Timor laran tomak.
Workshop ida ne’e sura ho partisipasaun husi parte interesada xave sira kona-ba desentralizasaun prosesu: organizasaun governu nian parseiru dezenvolvimentu sira, no sosiedade sivíl no kontribui hodi reflete kona-ba progresu husi desentralizasaun iha Timor-Leste, hodi diskute dezafiu sira ne’ebé hasoru, no atu identifika pasu sira atu avansa ba governasaun lokál.
Embaixadór Uniaun Europeia (UE) iha Timor-Leste, Marc Fiedrich, hateten, UE nia kontribuisaun sira no kompromisu atu apoiu, prosesu desentralizasaun no importánsia atu diskute realizasaun sira no dezafiu sira iha diálogu partisipativu ida ne’e
“Workshop ohin nian hanesan parte krusiál ida hosi Uniaun Europeia nia kompromisu ne’ebé la’o hela ba suporta Timor-Leste nia desentralizasaun esforsu sira.Ida-ne’e sai hanesan plataforma ida ba diálogu kolaborasaun, no troka ideia sira entre autoridade governu nian parseiru internasionál sira, sosiedade sivíl no parte interesada sira iha dezenvolvimentu nian,” dehan Embaixadór Uniaun Europeia Marc iha nia diskursu, iha Hotel Timor, Tersa 25/02.
Tanba liuhusi diskusaun sira ne’e bele fahe hamutuk vizaun no rekomendasaun sira ne’ebé bele lori prosesu desentralizasaun ba oin no lori servisu Munisipal besik liutan ba sidadaun sira hotu-hotu iha Timor laran tomak.
Ministru Estadu Administrasaun (MAE), Tomás do Rosário Cabral , hateten, Governu iha nia dedikasaun ba avansa desentralizasaun. Tanba iha Balkaun Uniko maka xave ida inisiativa governu nian hodi hakbesik servisu sira ba sidadaun sira hotu.
No Balkaun Uniko sei fornese 19 servisu husi ministériu oioin nomós promove dijitalizasaun, permite sidadaun sira atu aplika ba servisu sira online liuhosi website ka aplikasaun móvel. Tanba ne’e apoiu husi parseiru dezenvolvimentu sira, ne’ebé kontribui ba hametin governasaun lokál no atu hadi’a asesu servisu ba sidadaun sira hotu-hotu.
Tanba ne’e, workshop ne’e pasu signifikativu ida iha Timor-Leste nia viajen ba iha desentralizasaun, fornese hanoin sira ne’ebé iha valór kona-ba progresu ne’ebé halo ona no serbisu ne’ebé sei iha oin atu lori esensiál servisu sira besik liu ba sidadaun sira ho efisiente.