Reportajen Umbelina dos Reis
Provedoria dos Direitus Umanus Justisa (PDHJ), informa relasiona ho kazu Safii Kemamang nian ne’ebe governu emigrasaun rekuza tanba uza pasaporte Indonézia nia fila mai Timor-Leste, espera katak informasaun konaba rekuza ne’e la loos, se informasaun ne’e mak loos signifika hahu ameasa ona RDTL, Nune’e ba seguransa nasionál Intelejensia (SNI), atu foti desizaun tenki bazeia ba lei, la’os ba orden superior.
Provedoria dos Direitus Umanus Justisa (PDHJ), Virgilio da Silva Guteres “Lamukan” husu ba autoridade seguransa nasionál intelejensia (SNI), atu foti desizaun tenki bazeia ba lei la’os bazeia ba orden superior, tanba hahalok aat sira ne’e ditador husi estadu tiranu sira mak uza, maibé Timor-Leste hanesan nasaun estadu direitu demokratiku kualker desizaun ba limita informasaun ema sidadaun estranjeiru ka nasional tenki iha liberdade ba lei, tanba relasiona ho kazu ativista Safii Kemamang nian konsidera viola nia direitu ho dever hanesan responsavel ba oan no familia iha Timor-Leste.
“Intelejensia iha nasaun demokrasia nia servisu la’os atu hafuu ativista ka defensor direitu umanus maibé intelejensia nia servisu kontra informasaun propaganda ka ameasa terorismu, la’os halo vizilansia ba ativista direitu umanus.” Dehan Provedoria dos Direitus Umanus Justisa (PDHJ), Virgilio da Silva Guteres, ba Jornalista sira iha, edifisiu PDHJ, Caicoli, sexta-feira, 18/07
Nia salienta, bainhira desizaun sira hanesan ne’e bazeia ba Lei orden satan ita uza ema nia atividade politika ne’e la’os viola de’it prinsipiu demokratiku maibé hatun nasaun republika demokratika Timor-Leste (RDTL), nia dignidade ba demokrasia direitu umanus.
” Ita espera katak informasaun ne’ebé ita rona hosi emigrasaun konaba ativista Safii Kemamang ne’e la loos, se informasaun ne’e los ita labele imajina katak Timor-Leste ne’e luta to’o iha ne’ebe no oinsá, tanba ita labele aplika fila-fali hahalok ne’ebé uluk militár Indonézia Mahuu Suharto nia tempu iha momentu ne’eba.” Nia dehan
Nune’e husu ba autoridade seguransa nasionál intelejensia labele limita sidadaun sira nia movimentu maibé foti desizaun tenki ba umanidade tanba desizaun ne’ebé halo ba ativista Safi kemamang ne’e viola tebe-tebes nia direitu no dever.