Reportajen Crecensia de Castro
Iha enkontru Koordenasaun interministerial preparasaun ba ASEAN nian, Vice Primeiru Ministru no Ministru Koordenador Asuntu Sosial, Mariano Sabino Assanami dehan katak, reuniaun interministerial ba kordenasaun segimentu, husi deklarasaun prezidensia ba da 46, cimeira ba ASEAN nian, katak tenke prepara ho diak ba setor politika, sosial, saude no edukasaun ba iha futuru.
Nia hatutan prosesu ba dezenvolvimentu rural di’ak, bainhira ema hotu-hotu asesu ba edukasaun no saude, tanba produto lokal iha rurais iha maibe seidauk resolve, ba merkadu nasional, maibé produtu hosi liur mai kompete tan iha rai laran, nune’e presiza tau atensaun másimu ba problema hirak ne’e.
Nia mos dehan iha setor saude no edukasaun sai prioridade , “agora dadauk orienta para ita tenke sai nasaun ne’ebe seguru mos iha area rua ne’e, bainhira edukasaun diak ema hotu bele asesu ba eskola, ita presiza hadia ita nia edukasaun ho kualidade iha ensinu superior universidade.
Nia dehan mezmu iha setor saude ai-moruk fo gratuitu ba ita nia povu, maibe presiza hadi’a kualidade liu tan, dehan Asanami ba jornalista sira iha edifísiu MNEK, Pantai Kelapa, segunda-feira, 28/07.
Vice PM ne’e husu ba ema hotu atu kolabora no hadia kualidade iha setor agrikultura, saúde, politika edukasaun no social.