Reportajen Silvino Freitas
Provedória Direitu Umanu no Justisa (PDHJ) hala’o toma de posse ba kargu xefia na’in 10 na’in 8 husi instituisaun PDHJ ne’ebé muda nia pozisaun no na’in 2 mai husi insituisaun seluk, maibé antes nee vaga ba na’in 16 nune’e hetan de’it mak na’in 10 na’in 6 sei loke fali konkursu-públiku no tenke kompleta iha tinan 2027, nune’e nia husu ajente sira atu proativu liu tan hodi atinji meta ba planu ne’ebé trasa ona ba tinan 2025-2028.
Provedor Virigilio Guterres dehan, kargu xefia sira ne’ebé simu posse nee nain 8 ema tuan iha instituisaun PDHJ nunee nia konsola deit atu kontinua proativu liu tan halao sira nia knaar, nunee bele atinji diak liu tan meta sira ne’ebé trasa ona iha planu 2025-2028 nian maski iha kargu rua maka delegasaun territorial maliana no inspector PDHJ nian maibe nia iha esperansa katak sira iha ona esperensia naruk iha instituisaun seluk nunee sira nia prezensa sei la presiza halo adaptasaun naruk no sei fo kontribuisaun diak liuliu iha parte auditoria nian hodi fo servisu balansu internal nian.
“vaga ba pozisaun 16 nunee 10 hetan ona 6 seidauk no planu ba tempu badak sei loke fila fali konkursu hodi kompleta pozisaun sira ne’ebé sei falta maka diresaun investigasaun, rekursu umanu nian, xefe departamentu finansa, nian delegasaun territorial same, RAEOA no Baucau sira nee mak seidauk hetan” dehan Provedor Virgilio ba jornalista sira hafoin remata serimonia tomada posse ba kargu xefia nain 10 iha salaun CNC Balide, (01/08).
Nia dehan tan, pozisaun sira ne’ebé seidauk hetan sei loke fila fali vaga iha tempu badak no tuir nia katak too 2027 tempu kompleta ona pozisaun ne’ebé sei mamuk inklui mos pontu vogal iha munisipiu 6 ne’ebé tama iha planu PDHJ nian, maski iha pozisaun balun ne’ebé seidauk priense maibe servisu sira ne’ebé sei iha nia funsionamentu ne’ebé diak husi nomeasaun por substituisaun tuir rejimi funsaun publika ne’ebé provedor halo ona ba pozisaun sira nee.
“same nian tanba diretora same tuir laliu maibe nia kontinua hetan nomeasaun kontinua lidera delegasaun territorial same, baucau diretora delegasaun liu pozisaun seluk mai dili entaun ema seluk ba baucau ne’ebé nomeasaun lao tiha ona” nia esplika.
Virgilio konklui, selesaun ne’ebé sira halo nee tuir selesaun purmeritu ne’ebé loke funsionariu publiku sira bele tuir hotu nunee pozisaun sira hanesan delegasaun territorial maliana nian nee ema husi liur no inspector PDHJ nee mos ema husi liur, nee konkursu pur meritu interna ba ema funsionariu publiku hotu.