Reportajen Umbelina dos Reis
Juventude suku Caenlio,aldeia Larimi no suku Tirilolo postu administrativu Iliomar munisipiu Lautém konsidera deklarasaun hosi deputadu Abilio Quintão,hosi Bankada FRETELIN katak “laiha komunidade rezidente iha suku Tirilolo, Larimi, too iha Vatucarbau nee falsa
Deklarasaun ne’ebe hato’o hosi portavoz Aldo da Costa Alves hodi hatan ba deklarasaun husi deputadu Abilio Quintão hosi Bankada FRETELIN iha Plenaria Parlamentu Nasional ( PN)
“Ami Komunidade Postu Iliomar, liu-liu suku Caenlio, Aldeia Larimi, no Suku Tirilolo, espresa publikamente, ho indignasaun ne’ebe klean, ho firmeza no dignidade hasoru deklarasaun falsu no seriu enganozu ne’ebe hato’o hosi Deputadu Abilio Quintão iha (PN),” dehan portavoz Aldo da Costa ba jornalista sira liuhosi konferensia imprensa iha jardim 05 de maio tersa-feira 09/12.
Nia dehan, durante iha plenaria Parlamentar Nasional deputadu Abilio Quintão ne’ebe afirma katak “laiha komunidade rezidente iha Tirilolo, Larimi, too iha Vatucarbau nee falsu no laiha responsabilidade. “Deklarasaun ida-nee laos erru simples ida ida-maibe bosok ida ne’ebe perigozu, politikamente destrutivu no sosialmente moe, tanba nia revela desprezu absoluta ida ba realidade ne’ebe esperimenta hosi ema sira ne’ebe servisu no luta loro-loron atu moris iha Iliomar.”
Nia dehan nega ezistensia komunidade sira nian hanesan nega umanidade, nega lia-loos, no insulta diretamente ema hotu nia dignidade. “Deputadu Abilio Quintão troka lia-loos ho ignoransia no troka dadus tekniku ba narrativa falsu no manipuladu. Deputadu la halo inspesaun iha fatin, la vizita komunidade sira, no la rona peritu sira nia fabrika de’it narrativa enganoza ida ne’ebe ofende povu no hamosu konfuzaun.”
Nia afirma katak area Caenlio, Tirilolo, Larimi la adekuadu tanba rai-halai,ida nee mos bosok no nia laos ema geologo ida buat sira-nee hotu laos hatudu falta informasaun, maibe hatudu falta onestidade.”Deputadu nee tinan barak tur iha Parlamentu, supostamente atu defende povu Iliomar, maibe hili nonok, enkuantu Iliomar luta ba bee, eletrisidade, estrada, saude, no edukasaun, deputadu nee nunka hasae lian, nunka lori problema sira nee ba Parlamentu, nunka tau ain iha rai hodi hare realidade neebe povu Iliomar hasoru.”
Iha fatin hanesan Hermínio da Costa hatutan, deklarasaun hosi deputadu Abilio Quintão nee falsa tamba,buat sira ne’ebe mak nia deklara iha PN, nee la reflete ba buat ne’ebe mak durante nee akontese iha area ne’eba.
“Suku ne’ebe mak izoladu liu mak suku Tirilolo emtermus de suku sira seluk ,aldeia Larimi hakat husi suku Tirilolo, pertense ba suku Caenlio iha aldeia lubuk ida ne’ebe mak durante nee ami nia inan aman depositu votu liu husi partidu ne’ebe mak oras nee tur iha Parlmentu Nasional, ami ema iha maibé nia dehan laiha nee hanesan anegasaun boot ida mai ami, nune’e ami konsidera falsa tebe-tebes,” Nia konklui.