Reportajen Silvino Freitas
Durante semana ida iha inisiu tinan 2026 Autoridade Protesaun Sivil rejista dezastre naturais hamutuk 99 nunee ema hamutuk 542 mak hetan afetadu iha munisipiu 7.
Diretor Gabinete Relasaun Externa no Komunikasaun Cesario da Silva dehan, husi loron 05 too 12 iha janeiru tinan nee APC rejista tipu dezastre sira maka uma estragu 99, anin sobu uma 11, ahi han uma 2 nunee priense kriteriu ba dezastre 12 no 87 mak hetan deit apoiu emerjensia nunee ema neebe afetadu ba dezastre nee hamutuk 542no bee sae ka inundasaun hamutuk 86 no dezastre hirak nee akontese iha munisipiu 7.
“munisipiu baucau anin sobu uma 2 ahi han uma 1, babonaro bee sae 51, ermera anin sobu uma 2 ahi han uma 1, lautem anin sobu uma 1, likisa anin sobu uma 2 bee sae 35, manufahi anin sobu uma 3 no vikeke anin sobu uma 1” dehan Diretor Gabinete Relasaun Externa no Komunikasaun Cesario da Silva lihusi Konferensia Imprensa iha APC Kaikoli, (12/01).
Nia dehan tan, husi dezastre sira nee komandu APC munisipiu sira fornese asistensia emerjensia ona familia afetadu sira hanesan aihan no laos aihan no komandu operasional autoridade protesaun sivil munisipiu sira kontinua halo hela levantamentu konaba dadus estragus no lakon nunee APC munisipiu nafatin estabelese nia apoiu ba komunidade neebe afeta ba dezastre natural sira.