Reportajen Umbelina dos Reis
Belun, Plan International Timor-Leste (PITL), no parseiru sira lansa atividade dezaminasaun informasaun publiku haforsa Timor-Leste iha ASEAN, hamutuk juventude inkluzaun no sosiedade sivil parseria Plan InternationalTimor-Leste”, objetivu atu fahe informasaun ba komunidade sira bele kompriende konaba adezaun ASEAN Timor-Leste nia vantajen no desvantajen mak oinsa.
Diretor Ezekutivu, Belun Luis Ximenes hateten objetivu hosi lansamentu ne’e nia alvu lokal inklui nasional area kobertura iha munisipiu haat maibé foka liu ba iha nivel postu nune’e hakbesik an liu ba komunidade informasaun ho direitu fundamentu koordenasaun ho autoridade lokál sira inklui membru suku sira ne’ebe implementasaun ona iha tinan kotuk. Nune’e dau-daun haree liu ba iha nivel postu nune’e responde ba rekomendasaun ne’ebe hatun hosi autoridade lokál.
” Atu halo kobertura ba iha munisipiu haat mak hanesan hosi munisipiu Dili maibe kobertura ba iha area postu administrativu Dom Aleixo, munisipiu Aileu kobertura ba iha area Likidoe, munisipiu Manufahi kobertura ba iha area Fatuberliu, munisipiu Ainaro kobertura ba iha area Maubisse. ohin foin halo lansamentu nune’e atividade sei lao iha semana oin. “ dehan Diretor Belun Luis Ximenes ba Jornalista sira iha otél Timor, Colmera, Sexta-feira, 06/02.
Nia dehan, sira sei halo konsultasaun ho autoridade lokál sira nune’e bele fahe informasaun ne’ebe diak tanba Belun lao hodi fahe informasaun ne’ebe perspetivu, maibe parceiru importante mak sekretariadu ASEAN, MNEK, MJDAK no G7+ sira mak hamutuk oinsá fahe informasaun inklui grupu joven sira iha nivel postu nune’e bele haforsa informasaun.
“Informasaun ne’ebe atu fahe ba komunidade sira mak iha pilares tolu nia papel hosi sekretariadu ASEAN, MNEK no MJDAK haree liu ba politika nasional juventude ba iha ASEAN haree ba oportunidade no dezafiu sira tanba ami implementa ona iha tinan hira ba kotuk tanba ami instituisaun ida-idak fahe nia papel oinsa para komunidade sira bele kompriende konaba ASEAN nia vantajen no desvantajen mak oinsa.” Nia informa.
Nia konklui, Atividade refere sei implementa durante fulan lima hahu hosi fulan janeiru too maio, orsamentu ne’ebe apoiu ba atividade refere mai hosi Plan International ho montante 16 mil ne’e ba fulan tolu operasional ba atividade inklui transporte
Iha fatin hanesan Diretor Interinu FONGTIL Inocencio Xavier hatete, partisipasaun ba atividade ne’e hanesan organizasaun sumbriña hodi apoiu organizasaun tanba membru organizasaun ne’ebe servisu kleur ba area prevensaun konflitus, tanba Belun rasik hanesan membru ba Fongtil nune’e ohin ami halo apresiasaun ba membru FONGTIL balun halo ona servisu iha munisipiu haat konaba adezaun ASEAN Timor-Leste nia nune’e ohin halo dezaminasaun ba lansamentu atividade sira ne’ebe pilares hosi ASEAN nia konaba dezafiu membru ASEAN nia mak oinsa.
“Hanesan membru organizasaun sosiedade sivil ne’ebe haknaar an importante mak tenki dezamina informasaun no empodera oinsa sira bele hatene. Tanba dezamina informasaun ne’e hanesan baze ba konstituisaun nune’e estadu tenki providensia liuhosi polítiku publiku tanba NGO nuudar parceiru ba governu hodi ajuda dezamina informasaun.” Nia dehan.