Reportajen Umbelina dos Reis
Autoriedade Munisipiu Covalima konsidera mota ida hosi munisipiu Ainaro no bee la sufisuente atu kobre ba setor agrikultor sira nia natar iha munisipiu Covalima.
Prezidente Autoriedade Munisipiu Covalima, Miguel Armada Cardoso hatete, setor agrikultór sira halo natar maibé bee la sufisuente atu kobre natar iha munisipiu Covalima hodi hasae produsaun iha rai laran.
“Agrikultura lao diak iha munisipiu Covalima, maibé bee sei menus hela no dahuluk ita kria kondisaun balun hanesan irrigasaun Kayrala fornese bee mai hosi bonuk munisípiu Ainaro,” Dehan Prezidente Autoriedade Munisipiu Covalima, Miguel Armada Cardoso, ba ba Jornalista sira iha Hotel Timor, kinta-feira, 12/02.
Nia informa, bee mota hosi bonuk munisipiu Covalima la sufisuente atu kobre ba natar sira iha munisipiu Covalima tanba nia kontinuasaun seidauk too Doi-Laku bainhira agrikultór sira atu halo natar.Tanba Iha tempu uluk agrikultór sira uza manual tradisional hodi halo natar, maibé agora uza ona ekipamentus modernu hodi distribui ba agrikultór sira hodi halo natar hasae produsaun iha rai laran.
“MAPPF apoiu makina modernu koa hare no kuda hare ho eskavator no ekipamentus sira seluk tan ba agrikultór sira halo natar.Iha tinan 2024, ita nia produsaun hare kada hektares 3 toneladas, depois uza indetifikasaun uluk kabubuk hamutuk 40 no hadia fali indetifikasaun kabubuk ne’e hamutuk 100 hodi nune’e trator kiik sira bele tama ba natar laran,” Nia informa.
Nia dehan, atu hetan resultadu hektares ida ka hetan resultadu 5 toneladas ne’e ita atu prepara kondisaun balun no hosi estasionista sira organiza komunidade sira hodi kuda haree. Kada tinan agrikultór sira kultiva haree maibé bee la sufisuente hodi kobre bee ba natar, entaun agrikultór sira iha Belaku halo natar rihun 50 hektares iha Suai Loro 1000 hektares.
“Ministériu Agrikultura Pekuária Peska no Floresta (MAPPF), ho SAPIP apoiu trator boot unidade (21), hand trator unidade (60), no makina koa hare (60), makina kuda hare hamutuk (30), hodi oferese mai munisipiu Covalima,” Nia konklui.