Reportajen estajiaru Isac Sarmento
Bee Timor-Leste, Empreza Públika(BTL, E.P) asina kontratu ho kompaña haat ne’ebé mak sai manan nain bá projetu melhoramento bee moos hodi implementa iha Posto Administrativu Venilale, Laclo, Letefoho no Remexio, nunee projetu refere sei implementa husi kompana NJZP 18 Unip. Lda JV PT. Dimas Kurnia Jaya, RALAN, Lda, LUCRO Unipessoal, Lda no LOKOBUI ZACMA Unipessoal, Lda neebe sai manan nain ba projeitu refere ho durasaun projeitu ba fulan ne’en nia laran.
Prezidente Komisaun Ezekutiva BTL.EP Gustavo da Cruz hateten alokasaun orsamentu bá projetu haat refere ho osan montante $2.6millões ne’ebé mak sei benefisia uma-kain hamutuk 2.400 resin husi populasaun kuaze 3.500 inklui mós fasildade públiku sira hanesan klínika, eskola no mós edifisiu públiku sira seluk ne’ebé mak eziste iha Posto Administrativo haat refere, ho nune’e kada uma-kain sei monta metro kontadór wainhira projetu ne’e remata.
“Maioria kontratu ne’e la’o ho durasaun tempu seis mesês, ita husu atu sira bele implementa projetu ne’e bá iha kontratu ida ne’ebé ih Venilale mak nia durasaun liu seis mesês tanba kabe bá Suku tolu é populasaun kuaze bá uma-kain rihun ida ne’e ninia durasaun volume boot uitoan entaun ninia tempu mais de seis mesês ita haree situasaun ohin ha’u hateten iha terenu bele akontese kestaun téknikus kestaun sosiál teknik sira ita haree katak materiál hotu sei mai husi li’ur é tenke kualidade é ha’u-nia tékniku sira ho kompaa sira sei bá halo inspesaun materiál sira iha fabric antes lori mai Timor”dehan Prezidente KE BTL, E.P Gustavo da Cruz.
Nia dehan tan, serimonia asina kontratu ida ne’e atu fasilita kompaña sira hodi implementa projetu bee moos ne’e rasik, depende fali bá kompaña sira-nia preparasaun tanba kontratu refre hanesan kestaun administrativu ne’ebé mak tenke halo para fasilita kompaña haat ne’e sai legalmente hodi sira bele implementa projetu refere, tanba projetu ida ne’e sei implementa iha fulan ida ne’e nia laran, Projetu ne’e rasik kada Posto Administrativu sei iha pakote rua karik utiliza sistema gravitasaun, ida mak kanalizasaun no ida seluk mak instalasaun tanki rezervatoriu maibé posibilidade bele mosu pakote tolu iha Posto Administrativu ida karik sistema refere uza bee rai-okos mak bele aumenta tan projetu perfurasaun.
“mensajen bá populasaun tantu komunidade sira ne’ebé mak ohin hetan projetu ne’ebé asina ho mós komunidade ne’ebé utiliza fasildade públiku sira husu atu koopera kontribui liu-liu bá posto haat ne’ebé mak ohin asina, husu komunidade sira atu kopera ita-nia autoridade lokál lideransa komunitaria sira lia-nain sira ne’ebé iha ne’ebá, sira hot-hotu asina ona akta kontribui hakarak simu projetu ne’e para bele hadia moris povu iha posto haat, ne’e ha’u la duvida tanba fulan hira bá kotuk ekipa ida husi BTL lideradu ha’u-nia vise rua ne’e bá halo ona sosializasaun posto haat ne’e é autoridade lideransa lia-nain veteranos sira hot-hotu aseita simu projetu ne’e mak ohin ita asina kontratu ne’e, tan ne’e ha’u fiar katak meknizmu ne’ebé mak BTL halo ne’e atu bele hametin relasaun entre empreza ho entidade hot-hotu iha baze atu nune’e dezenvolvimentu ne’e bele la’o” konklui Prezidente KE BTL, E.P Gustavo da Cruz.