Reportajen Estasiáriu Cristiano dos R. Gama
Diretór Ezekutivu Empreza Aero Dili, Lourenço Oliveira, ohin hasoru Prezidente Repúblika (PR) José Ramos-Horta, hodi diskute estratéjia importante atu hasa’e setór turizmu no dezenvolve infraestrutura iha Timor-Leste.
Iha enkontru ne’e fó atensaun boot ba oinsá setor prioritáriu sira bele sai motor prinsipal ba kresimentu ekonomia nasional no mós fó impaktu pozitivu ba setór aviasaun no movimentu vizitante sira mai rai-laran.
Diretór Ezekutivu Empreza Aero Dili, Lourenço Oliveira, hatete, ohin hasoru malu ho Prezidente Repúblika, José Ramos-Horta, hodi diskute dezenvolvimentu setór prioritáriu sira, liuliu kona-ba oinsá bele dudu setór turizmu no dezenvolve infraestrutura iha Timor-Leste.
No iha Sorumutu ne’e bazeia ba inisiativa husi Xefe Estadu rasik ne’ebé hakarak rona direita preokupasaun no hanoin husi parseiru dezenvolvimentu sira iha rai-laran hodi haree kona-ba setor importante sira.
Foku prinsipál husi enkontru ne’e mak atu ko’alia kona-ba oinsá bele dudu setór turizmu no mós hare infraestrutura rai-laran nian, tanba setór rua ne’e sai hanesan pilar importante tebes ne’ebé presiza hetan atensaun lalais.
“Ko’alia liu kona-ba asuntu infraestrutura, no mós oinsá bele hasa’e no dezenvolve liután ita nia turizmu,” Diretór Ezekutivu Empreza Aero Dili, Lourenço Oliveira, \ ba jornalista sira iha Palásiu Prezidensial Bairo-pite Segunda 18/05.
Tanba ne’e, dezenvolvimentu iha setór turizmu nian ne’e sei lori mós impaktu pozitivu ba setór aviasaun, tanba sei dada pasajeiru no vizitante barak liu tan mai vizita Timor-Leste.