Reportajen Francisco Jose De Almeida
Secretariado Comissao Organizadora Jubileu Extraordinario Missao Joao Paulu II (JEM-JP II) halao Konfernsia Imprensa hodi imforma ba publiku kona ba selebrasaun tinan 30 vizita Amo Papa Sao Paulu II mai iha Timor Leste, horiseik (25/10), Balide, Dili.
Tuir Direitor Nasional Misaun iha Timor Pe. Mouzinho Pereira Lopes informa, mundo tomak Selebra loron minsionario nia iha vida Batizados e Enviados.
“Jubileu Extraordinario ne’e ligado mos ho Amo Papa Francisco Jubileu iha tinan rua liu ba no ita selebra iha tinan ne’e, igreja Katolika iha mundo tomak selebra sira nia vida missionaria liga ho dokumentu boot ida naran Maximum Ilut husi santo Padre Bento 15 iha 1919, atu desperta knaar misionaria nian hosi kada batizado hosi ema sarani oan ida, katak ema hatene nia iha altura simu batismo, nia mos nia mos missionaria nia ne iha nia an rasik por natureza”
Durante ne’e atividade ne’ebe JMP-JP II halo mak oinsa fasilita formasaun ba estudante sira no liu-liu iha ensino baziku atu bele kasu sala todan sira.
“Ita hala’o formasaun, animasaun misionaria iha kada Diosece hosi Direitores Diocesano sira ka misaun maka responsavel ba ne’e. Formasaun no animasaun sira ne’e fo ba labarik sira, infansia adolosensia. Misionaria ne’ebe prezente iha parokia hotu-hotu involve estudante sira iha ensino baziko halo mos atividade seluk mak indulzencia plenaria ne’ebe Amo Papa husu indulzencia ne’e atu kasu ita nia sala todan nian. Hosi 24 too 25 ita konsentra hotu iha Balide hodi konvida partisipantes hotu hosi Diocese tolu,” Tenik Pe Mouzinho.
Nia realsa liu tan JMP-JP II iha Parseria Direita ho Ministeriu Edukasaun hodi apoio material ba iha atividade hotu ne’ebe JMP-JP II halao iha loron hirak tuir mai husi 24 too 30 Outubru, nune’e mos hasoru malu ho Komandante Polisia husu atu asegura selebrasaun refere.
“Hahu orseik dia 24 ita loke espasu ba feira exposisaun ne’ebe feira ne’e ba parokia sira husi Diocese tolu no mos kongregasaun relijioso katolikas ho instituisaun seluk ne’ebe ligado ho misaun ne’ebe hahu horseik loraik too orsida. Ami foin hasoru Komandante sira husi Polisia atu asegura fatin iha Balide tanba ita sentrado iha Balide husi igerja Balide too iha Seminario Menor, inklui Amo Bispo sira nia sede no Tasi Tolu, no mos Monumentu sae ba Joao paulu II iha dia 29 lokraik, partisipante sira ba toba iha tasi tolu too di 30, missa boot hahu tuku 10,” Pe. Mouzinho esplika.
Nia haforsa liu tan apoio ne’ebe hetan husi Governo liu husi Ministerio Edukasaun, Solidariedade Sosial no Negosio Extranjeiro mak, alimentasaun, protokolo, tenda, lona maibe la iha osan ruma husi governo no osan ne’e Bispo sira mak Apoio ho montante 30 Mil Dolares Amerikano