Reportazen Zevonia Vieira
Centru Integradu Jestaun Krize, publika informasaun ba moras Covid-19 nian ba ohin loron 05 Abril to’o oras 12:00 meudia.
Liu hosi centro media, portavoz CIJK, Dr. Sergio Lobo informa ba jornalista sira konaba konfinamentu obrigatoriu ka kuarentena obrigatoriu ne’ebe mak governu halo.
“Ema iha konfinamentu obrigatoriu ka kaurentena obrigatoriu total 1220, hosi Dili nian 1016, hosi Municipio 204.Hosi Dili nian iha oin rua katak ida iha fasilidade ne’ebe governu provedensia hanesan iha hotel, eskola kafatin seluk no ida fali auto-kuarentena”,hateten Dr. Sergio, iha CCD 05/03.
Dr. Sergio hatutan iha Kuarentena orbigatoriu total 923 ne’ebe hela iha hotel 861, iha Ro laran 62. Ro 4 mak tama iha Timor hosi loron 1 – 3 Abril mak hanesan Ro Martino Perkasa hosi Kupang no crew total 11, Ro Meikong hosi Vietnam nia crew 14, Ro Antun hosi Indonesia crew 21 no Ro New Gory hosi Surabaya crew 16. Ema sira ne’e hotu hetan asistensia hosi Ministeriu Saude mak halo vizilansia ba sira iha portu Dili.
Dr. Sergio mos informa katak aban loron 06 Abril no loron 07 Abril total ema 164 mak sei sai hosi Kuarentena tanba kompletaona loron 14. Total 98 sai hosi Hotel Novo Horizonte no hosi hotel Audian 66.