Reportazen Santina Lucia da Costa
Loron 10 Maiu nudar loron Konsellu Imprensa (KI), ba iha tinan dahaat nian ho situasaun Covid-19, liu hosi konferensia imprensa Prezidente KI, Virgilio Guterres hateten katak tinan ba dahaat mos nudar mandatu ikus nian ba konsellor nain liman.
Prezidente KI deklara konaba progresu ne’ebe mak KI atinji ona relasiona ho serbisu jurnalismu nian.
Prezidente Virgílio da Silva Guterres hateten situasaun Estadu Emerjensia implika katak, mekanizmu balun Konsellu Imprensa atu fasilita hodi bele hetan nomeasaun ba membru foun sira labele hala’o, tanba estadu emerjensia, ida ne’e tuir Lei tenke fasilita enkontru konferensia ka kongresu ba asosiasaun jornalista sira, atu bele nomeia sira nia ema atu mai tur iha Konsellu Imprensa.
Virgilio hateten konsellu imprensa hato’o ona karta ba Parlamentu Nasional maibe tanba Parlamentu Nasional mos iha nomeasaun rua, konsellu impresa mos hato’o informasaun ba organizasaun sira ne’ebe iha periodu liu ba, nomea sira nia ema mai iha konsellu imprensa hanesan AJTL ho TLPU.
“Situasaun ida ne’e no mos estatutu konsellu imprensa ninian, loke dalan katak konsellu imprensa ne’e sei kontinua hala’o nia mandatu hanesan baibain, to’o loron nomeasaun ka tomada de posse ba membru konsellu foun sira. Estatutu konsellu imprensa nian iha alinea 4, artigu 19, ne’ebe fo kompetensia ba membru sira atu kontinua hala’o ninia knara”, hateten Virgílio iha salaun KI, 11/05.
Prezidente KI informa iha tinan 4 nia laran konsellu imprensa mos infrenta dezafius lubuk ida ne’ebe barak liu halai ba oinsa atu hasa’e kapasidade profisional sira nian no mos hasa’e koñesimentu publiku ninia konaba sira nia direitu atu hatete informasaun.
Virgílio dehan iha aspetu ida ne’e dezafiu iha maibe KI haree katak dezafius barak liu laos husi konsellu imprensa maibe dezafius externa katak, “ita nia situasaun politika hahu kedas husi 2016-2017 no ho situasaun politiku ne’ebe lao ho rejime duodesimu.