Reportazen Francisco JDA
Centru Integradu Jestaun Krize (CIJK) liu hosi Sala Situasaun relata dadus Covid-19 iha Timor leste, liu hosi konferensia imprensa, portavoz CIJK, Dr. Rui Araujo informa katak sei iha nafatin sidadaun Timor ne’ebe klandestinamente hakat liu rai ketan hosi Indonesia mai Timor-Leste nia teritoriu.
Dr. Rui hateten iha loron 13 Maiu lokraik no loron 14 oras tuku 5:00 dader Unidade Forsa Fronteira konsege kaer ema nain 4
“Oras ne’e dadaun lori ona mai fatin kuarentena ne’ebé governu prepara, tanba númeru kazu Covid-19 iha provínsia NTT Indonesia aumenta ba bebeik, inklui mós kazu obitu ka mate tanba Covid-19. Estadu Maior konjuntu iha sala situasaun CIJK husu populasaun tomak liu-liu sira ne’ebé iha municipiu Covalima, Bobonaru no Rejiaun Espesial Oecusse atu nafatin hakmatek iha ida-idak nia fatin, labele hakarak ba mai rai Meta ho Indonesia, atu nune’e la bele monu ba daet risku Covid-19 no lori mai tutan mai Timor Leste laran tomak”, dehan Portavoz CIJK, Dr Rui Maria Arauju iha CCD, 14 /04
Dr.Rui Araujo hateten FALINTIL- Forsa Defeza Timor-Leste ( F-FDTL) no Polísia Nasionál Timor Leste ( PNTL) nafatin fo apoio ba malu no liu hosi kolaborasaun líder komunitariu sira, sei nafatin halo visilansia maxima iha dalan kloot sira hotu, rai ketan entre Timor-Leste ho Indonesia.