Reportazen Francisco JDA
Centru Informasaun Impaktu Covid-19 (CIIC) imforma liu hosi konferensia imprensa hatoo ba jornalista sira relasiona ho obersavaun ne’ebe mak ekipa Delegasaun Sosiadade Sivil observa katak komunidade iha Municipiu Bobonaru, Covalima no Liquisa hasoru difikuldade boot atu selu fali osan funan hosi kreditu ne’ebe sira halo ho banku sira.
Portavoz Ekipa Delegasaun Sosiedade Sivil, Celestino Gusmao hateten tanba tenki selu beibeik kreditu ne’ebé populasaun sira halo ho banku kreditor sira, nune’e populasaun tenki esforsu makas liu tan, maske tenki hakat liu fronteira sai hosi uma no ba halibur iha merkadu sira.
“Ami sujere governu bele husu kreditor sira, atu nune kliente sira la selu no la fó sansaun kuandu kliente la iha kapasidade atu selu durante krizee. Governu Presija aselera polítika kreditu ba povu ne’ebé promete iha fulan hirak liu ba”, dehan Celestino Gusmao iha Salaun FONGTILl, 22/05
Celestino hatutan presiza identifika no analiza nesesidade ba situasaun komersiante nian iha Municipiu sira, inklui buka hatene kreditor ho nian kliente, hodi la enkoraza sira lao ba sorin ka rai ketan.