Reportazen David da Costa Gusmao
Parlamento nNsional halo serimonia ritual, hodi harii hikas fali meza foun Prezidente Parlamento Nasional (PPN) ne’ebe hetan estragus husi membru Parlamentu sira iha fulan hirak liuba.
Iha seremonia ritual lia nain husi parte rai ulun, rai klaran no rai ikun no mos husi uma lisan husi Lakoto, Tako husi Dili hamulak ona iha sala plenaria Parlametu Nasaional, hodi hatur hikas meza foun Prezidente Parlametu Nasional.
Lia nain idak-idak hamulak tuir nia lisan ho lian materna, hosi rai ulun ho lian Fataluku, rai klaran ho lian Mambae no Dili kompostu hosi lisan Lakoto no Tako.
Bainhira iha prosesu hamulak, lia nain hosi rai ulun, rai klaran no rai ikun hamutuk tau liman ba belak no surik, molok sira tun husi fatin meza Prezidente Parlamentu nian.
Hosi seremonia ritual ne’e Koordenador lia nain, Eugenio Sarmento informa ba jornalista sira katak iha futuru sei fo impaktu tanba deputado no depetuda husi partido seidauk iha entendimento diak.
“Haree husi prespektiva ami lia nain sira hotu nian katak, sei fo impaktu ba iha futuru, tanba sira seidauk entende malu ho diak”, dehan lia nain Eugenio iha salaun plenaria, 04/09.
Nia sublina iha serimonia hamulak ne’e rasik, lia nain sira ne’ebe hola parte ne’e mai husi reprezentante lia nain husi lorosae nain rua, rai klaran nain rua no rai ikun nain rua maibe involve mos lian nain sira seluk, hamutuk nain 10 resin.
Tuir oservasaun jornalista Neon Metin iha Parlametu Nasional, durante iha prosesu hamulak meza foun ba Prezidente Parlmetu Nasional ne’e, laiha bankada opozisaun CNRT, PD ho PUUD hodi partisipa iha seremonia refere.