Reportazen Francisco JDA
Maske Presidente Republika, Dr. Francisco Guteres Lu-olo dekreta ona estadu emergencia (EE) ba da lima, hodi suspende sirkusaun internasional liu-liu iha fronteira, atu kontrola ema tamas ai, liu-liu sira ne’ebe tama illegal.
Maibe iha realidade ema sei kontinua tama illegal hosi area fronteira Mota Ain, ho situasaun ida ne’e, deputadu bankada FRETILIN, Fabiaun Oliveira hateten, Unidade Polisia Fronteira no Polisia Nasional Timor-Leste kontinua halao nafatin visilansia iha fronteira, para evita sidadaun sira ne’ebe tama sai iha fronteira, se ema la kumpre estadu emergencia lei mak sei deside, tanba ema hotu iha lei no orden nia okos.
Deputadu Fabiun Oliveira dehan posibilidade kuandu tama sai fronteira, bele lori moras mai Timor-Leste, tanba iha Indonesia estastistika ba moras covid-19 ne’e sae makaas los.
“Hau labele dehan polisia sira la halo servisu ho didiak, maibe presiza fasilidade ba sira atu bele melhora sira nia servisu diak liu, tanba fronteira hosi maritima no terestre entaun, ita nia sidadaun sira ne’e matenek la halimar, sira hare situasaun ne’ebe ita ninia seguransa fronteira deskansa, sira aproveita oportunidade ne’e mak salta tama ba ita nia nasaun vizinho Indonesia, para ba halo atividade negosiu no ita nia juventude ba ezame para sae sintu iha Indonesia ida ne’e mak akontese”, hateten Deputadu Bancada Fretilin Fabiun Oliveira iha recinto Parlamentu, 10/09.
Iha fatin hanesan Presidente Comisaun B, Asuntu Defesa Seguransa no Negosiu Estrangeiro, Jose Agustinho Sequeira ‘Somotxo’ ba jornalista sira hateten, estadu emergencia signifika fronteira blokeadu taka metin, maibe se iha grupu ne’ebe hosi Timor ba Atambua ka Kupang, ho hanoin katak ho sira nia objetivu ne’ebe importante liu moras Covid-19.
“ Kuandu ba mai hela deit mak ema sira ne’e nafatin, signifika katak ita iha redi ruma ne’ebe iha ne’eba bele hetan subornu, para admite ema sira ne’e tama sai, kuando koalia kona ba seguransa metin, ida ne’e husi ne’ebe a naun ser ita nia polisia sira iha ne’eba mak hanesan fo dalan ne’e bele,” hateten Presidente Comisaun B Jose Agostinho Sequeira
Presidente Comisaun B dehan tau postu iha fronteira ne’e laos tuur deit iha postu, maibe halao patrullhamentu no iha difisil oituan atu kontrola, maibe teknolojia ne’e bele atu detekta movimentu tama sai, maibe tanba Timor-Leste foin ukun an, instituisaun kompententes seidauk identifika didiak meius sira ne’ebe bele ajuda Polisia no Militar hodi bele detekta ka fo informasaun.
