Reportazen David da C. Gusmão
Iha konferensia imprensa relasiona ho dezenvolvimentu COVID-19 iha Timor-Leste, Ministeriu Saude (MS) deklara ba publika katak seidauk akontese transmisaun lokal. Deklarasaun ne’e hato’o hosi Koordenador Geral COVID-19, Odete Viegas, ohin (5/02), iha Palacio das Cinzas, Kaikoli.
“Ministeriu Saude seidauk rejista kazu COVID-19 ne’ebe mak transmiate ona iha nivel lokál. Hahu husi Estadu de Emerjensia ba da-uluk to’o mai ohin loron laiha transmisaun lokál.. MS husu ba publiku nafatin fo konfiansa ba iha Ministeiru Saude”, Odete esplika.
Kordenador Geral COVID-19, Odete Viegas ba jornalista hateten husi Estadu de Emerjensia husi loron da-uluk to’o mai ohin loron kanal ofisiál mak Ministeiru Saude. Tan ne’e husu ba publiku lalika fiar rumoris sira katak iha ona tramisaun lokál. Maski nune’e husu nafatin publiku atu lalika tauk, paniku bainhira laiha komfirmasaun husi parte saude.
“Meius ida ne’ebe ita uza atu detekta tramisaun lokál mak halo Sentinel Surveillance ba iha ospital hotu-hotu atu ita bele detekta tramisaun lokál ne’e. Maibe grasa-adeus to’o ohin loron ita seidauk rejista tramisaun lokál”, dehan odete iha Palacio da Cinzas, Kaikoli.
Odete mos degan katak karik transmisaun lokál ne’e iha, Ministeiru Saude iha responsabiliade atu hato’o ba publiku. Se iha transmisaun lokál iha Timor ida ne’e reponsabilidade boot ba iha Ministeiru Saude nian atu halo atuasaun.
Ministeriu Saude husu ba Publiku labele rona rumoris sira, nafatin uza medidas prevensaun, bainhira sai ba publku uza maskara, nafatin aplika distansia sosiál, no bainhira iha isin manas, mear no inus ben ba iha sentru saude ne’ebe mak besik.