Home Notisia COVID-19, MS Re-integra Pasiente Feto 3, Mane 1 ba Familia

COVID-19, MS Re-integra Pasiente Feto 3, Mane 1 ba Familia

64
0
Koordenador Jeral COVID-19, Odete da Silva Viegas. [Foto: David da Costa | 29.01.2021]

Reportazen David da C. Gusmao

Kordenador Jeral COVID-19, Odete Da Silva Viegas informa ba jornalista sira katak horiseik (5/02) Ministériu Saúde (MS) rekupera tan pasiente COVID-19 nain 4 husi izolamentu Vera Cruz, kompostu husi mane nain 1, no feto 3.

“Ohin ami entrega tan ona pasiente COVID-19 nain 4 ne’ebe rekuperadu ba iha nia familia sira”, Dehan Odete iha Palacio das Cinzas, Kaikol.

Nia hateten tan katak rezultadu teste labortóriu pasiente nain tolu hatudu ona negativu tutuir malu, nune sidadaun nain 4 refere livre ona husi COVID-19, no bele fila ona ba idak-idak nia família.

“Entre nain 4 ne’e iha feto na’in 1 maka sidadaun Brazileira no nain 3 seluk Timor-oan hotu”, nia Explika tan.

Nia sublina mos katak dadauk ne’e pasiente hirak ne’ebe baixa hela iha izolamentu, sira-nia kondisaun en jerál di’ak hotu. Sira hamutuk nain 23, inklui iha RAEOA nain 1, kompostu husi sidadaun estranjeiru nain 7 no nain 16 sidadaun Timor-oan.

Dadus aktual komulativu teste  19.562, hein rezultadu 60, komulativo kazu 80, rekuperadu 4, komulativu rekuperadu 61, kazu foun laiha, atuál Baixa tun 23. Rezultadu negativu 19.422, total kuarentena 206 (Dili: 91, Munisípiu: 115), auto kuarentena 128 (Dili: 102, Munisípiu: 26), Pasa ona 14 dias 7.732 (Dili: 6412, Munisípiu: 1320).

Print Friendly, PDF & Email

LEAVE A REPLY

Please enter your comment!
Please enter your name here