Reportazen David da Costa Gusmao
Ministeiru Solidadridade Sosial Inkluzasun (MSSI) ho Ministeiru Justisa asina Nota Entendimentu ka Momerandum of Understanding konaba Programa asistensia sosial ba apoiu reintegrasaun eis-reclusos (ema ne’ebe moris mesak ka isola-an ka eiz prizoneiru) no vizita familia.
Ministeiru Solidadridade Sosial Inkluzasun (MSSI), Armanda Berta dos Santos hateten MSSI ho Ministériu Justisa, ne’ebe estabelese nota entendementu hodi implementa reclusos no vizita familia reclusos. programa asistensia sosiál ba apoiu reintegrasaun eis-reclusos no vizita Reclusos.
“Ita hotu hatene katak objetivu prinsipal husi nota entendementu ida ne’e nu’udar aktu legais ba parte rua, nune’e defini termos kooperasaun entre Diresaun Nasional Inklusaun husi MSSI ho Diresaun Nasional Serbisu Prisionais no Reinsersaun Sosial husi Ministeriu Justisa kona-ba programa asistensia sosial ba apoiu re-integrasaun eis-reclusos no vizita familia”,dehan Ministra Berta ba jornalista iha salaun MSSI kaikoli, 8/02.
Governate ne’e haktuir iha amibitu kooperasaun ida ne’e, hakarak asegura no garante reintegrasaun reclusos ne’ebe vulneravel ho digñu ba komunidade, depois kumpri responsabilidade kriminal iha prizaun no fasilita vizita familia reclusos vulnaravel ne’ebe la hetan vizita husi familia, governu tenki garante direitu hotu sidadaun sira nian ho nakonu.
Iha fatin hanesan Ministeiru Justisa, Manuel Carceres da Costa hatete iha asina Nota ne’e konaba iha prosesu reinsersaun sosial ba maluk dadur sira ne’ebe mak atu fila ba iha sira nia familia ka sira nia komunidade.
“Prosesu reinsersaun sosial ne’e husi justisa ninia ba para atu haree nia familia kondisaun vitima nian, sira nia mentalidade no estadu piskologiku, ita nia maluk ne’e bele reintegra fila fali ba nia komunidade ne’e bele galae?”, dehan Ministru Manuel
