SS, Deometrio Transfere Nesesidade Ba nia Maluk Hosi Letefoho Iha Linha Tasi Tolu

Reportazen Francisco JDA

“Ita iha mak nasaun iha, tanba ne’e nasaun tenki kuidadu nia ema sira, nune’e ha’u agradese ba nasaun nia atensipasaun, maibé iha dampak negativu  ne’ebe mak ita observa, katak ita nia nasaun nia ekonomia monu, entaun sasán sira be transfere ba ne’e tanba sira afetadu liu ona, entaun ita tenki buka maneira para transfere sasán no osan oituan, atu nune’e sira  bele sosa sasán ruma iha kios ne’ebé loke”. Deometrio

Serka Sanitaria (SS) ne’ebé kontinua extende tanba governu ho nia razaun atu la lori virus COVID-19 hosi Dili ba municipio sira seluk, implika ba movimentu sir entre municipio sira, liu-liu ba komunidade ne’ebe halo negosiu, nune’e fo risku ba ekonomia sira nian.

Neon Metin dadalia ho komunidade iha Tasi Tolu, iha linha ne’ebe polisia tau ona, atu komunidade sira hosi parte Loromonu bele hasoru malu nia familia ka nia parseiru serbisu negosiu nian atu halo transferensia sasan ba malu, besik Estatua Joao Paulo

Hafoin Neon Metin observasa direitamente ba fatin Tasi Tolu ne’ebé PNTL no Ekipa saúde hala’o hela  Visilansia atu bele asegura situasaun no ema hotu labele tama no sai illegal.

Iha dadalia ho Deometrio Martins ne’ebe halo transferensia nesesidade bazika ba nia oan ne’ebe mai hosi Letefoho-Ermera, hasoru malu iha linha ne’ebe polisia tau riska ona,  ba Neon Metin nia hateten katak Covid-19 ne’e moras mundiál, tanba ne’e presiza komprende katak governu asegura tebes saúde ba ema hotu, maibé ekonomia mak hakdasak no ema hotu mak presiza osan, entaun hanesan umanu iha apoio ba família sira iha Letefoho – Ermera

“Ita iha mak nasaun iha, tanba ne’e nasaun tenki kuidadu nia ema sira, nune’e ha’u agradese ba nasaun nia atensipasaun, maibé iha dampak negativu  ne’ebe mak ita observa, katak ita nia nasaun nia ekonomia monu, entaun sasán sira be transfere ba ne’e tanba sira afetadu liu ona, entaun ita tenki buka maneira para transfere sasán no osan oituan, atu nune’e sira  bele sosa sasán ruma iha kios ne’ebé loke”, hateten komunidade Deometrio Martins Iha Tasi Tolu, 03/04

Deometrio Martins Realsa tan katak, prontu koopera ho estadu no tuir regra ne’ebé estadu fo sai ona,  atu halo transferensia la presisa ilegal tanba governu fasilita ona seguransa sira para bele asegura.

Observasaun Neon Metin hatudu katak ekipa linha frente sira hanesan ekipa vijilansia saude no seguransa kontinua halo kontrolu iha linha ka fronteira, atu ema kontinua kumpri regras serka sanitaria nian.