Reportazen Francisco JDA
Relasiona ho ezame ne’ebe la’o dadaun ba estudante sira, governu liu hosi Ministeriu Edukasaun Juventude no Desportu (MEJD) apela ba estudantes primaria to’o sekundaria atu buka esforsu nafatin tuir orientasaun hosi Ministeriu ho eskola nune’e tenki kontribui ba prosesu ne’e, tanba situasaun mak difisil duni atu kontrola, maibé MEJD iha programa ne’ebé bele tulun estudante sira, atu aprende maske kualidade komplikadu tebes.
Tuir Ministru Edukasaun Juventude no Desportu (MEJD), Armindo Maia ba jornalista sira hateten, municipiu sira ne’ebé la suspende Serka Sanitaria bele halao nafatin exame bainbain ka sumativu bele ba aula hodi tuir exame, maibé sira ne’ebé suspende Serka Sanitaria bele exame ho formativu katak liu hosi online ka kuiz, sira ne’ebé professór fó ona ba estudante sira bainhira serka sanitaria hotu mak tuir fali exame sumativu.
“Kualidade ne’e komplikadu tebes situasaun afeta ba hotu-hotu, nune’e online ita halo dadauk tuir ita nia kapasidade, ida ne’e mak situasaun esepsional no ita nia kapasidade ita hanoin dehan ideal, maibé ita la hatene ideal ne’e oinsá, “ hateten Ministru Edukasaun Juventude no Desportu, Armindo Maia hafoin prezensa iha diskusaun Orsamentu Retifikativu iha PN, 20/04
Maske nune’e MEJD mós hasoru kestaun teknikas oin-oin, maibé nafatin husu ba estudante sira atu tuir orientasaun hosi ministeriu no eskola, para bele kontribui ba prosesu ida ne’e esforsu an nafatin, tan situasaun ne’e MEJD mós buka esforsu para bele hetan rezultadu ne’ebé mak di’ak.
