Reportajen David da Costa Gusmao
Embaixadór Estadu Unidus Amérika (EUA) iha Timor-Leste, liu hosi programa Hatutan, sei apoiu ai-han merenda eskolár hamutuk 40 mill ba estudante sira ne’ebé mak hasoru mall nutrisaun iha Timor-Leste.
Embaixadór Estadu Unidus America, Kevin Blackstone informa, ohin esplika ba Vise Primeiru Ministru katak apoiu hotu ne’ebé maka fó ba governu Timor-Leste, halo serbisu ho governu Timor-Leste, bazeia ba atividade hirak ne’ebé maka estabelese iha Timor-Leste.
Alende ne’e mós Embaixadór EUA hateten, liu hosi programa Hatutan iha Timor-Leste sei apoiu ai-han merenda eskolár ba estudante sira ne’ebé enfrenta mall nutrisaun iha Timor-Leste.
“Kuandu eskola tama fali ona, ami sei fornese asisténsia ba merenda eskolár ho hahán hamutuk 40 mill ba estudante sira ne’ebé mak presiza tebes ba merenda eskolár, ida ne’e halo liu hosi programa naran Hatutan”, dehan Embaixadór Amérika Kevin bainhira remata enkontru ho VPM-MSS, iha MSSI Kaikoli, Sesta 18/06
Nia haktuir tan, programa ne’e sei serbisu hamutuk ho Ministériu da Edukasaun Juventude no Desportu (MEJD) no mós programa ne’e haree liu ba iha eskola sira ne’ebé mak hasoru hela mall nutrisaun sira barak.