Reportajen Francisco JDA
Membru Parlamentu Foinsae (MPF) identifika joven balun ne’ebe para eskola, no ema ho defisiénsia la kontinua eskola nu’udar problema sériu ne’ebé presiza iha intervensaun, problema ne’e mosu tanba isin rua sedu, inklui distánsia eskola dook, no ema ho defisiénsia kauza fízika no ekonomia família la apoia atu eskola, nune’e eskola pre sekundária iha de’it ida , hosi postu administrativu sira.
Tuir Sekretaria Parlamentu Foinsa’e (PFN), Komisaun Am Natalia de Araújo hatete liu hosi komunikadu Imprensa, katak estudante barak liu mak iha aula ida, infraestrutura la di’ak, menus komputadór, meja, kadeira, internet ba online, hirak ne’e hotu sai nu’udar fatór ne’ebé kontribui ba problema hanesan estudante menus koñesimentu
“Iha munisípiu Baucau PFN identifika katak problema eskola at kauza hosi eskola tuan liu ona, didin badak de’it no lokaliza iha fatin risku. Ema ho defisiénsia la asesu ba eskola, fatór sira ne’ebé mak kontribui kondisaun fízika no ekonomia la apoia,” hatete Sekretaria Parlamentu Foinsa’e Nasionál Natalia de Araújo liu hosi komunikadu imprensa ne’ebé Neon Metin asesu.
Nia dehan ema ho defisiénsia nain 11 la asesu ba eskola ,tanba kondisaun Fízika no ekonomia la apoia, iha Postu Administrativu Qeulicai, Municipiu Baucau.
Natalia Araújo afirma tan, eskola balun sei falta Bee moos, la iha merenda eskolár, no dapur ba merenda Eskolár laiha.