Home Saude 26 Agostu, MS Rejista Kazu Pozitivu COVID-19 Total 307, Kazu Obitu nain...

26 Agostu, MS Rejista Kazu Pozitivu COVID-19 Total 307, Kazu Obitu nain 4

632
0
Ekipa vijilansia epidimiolojia. [Foto: Copyright A Bola | 19.04.2020]

Reportajen Zevonia Vieira

Ministeriu Saude (MS) rejista tan kazu foun pozitivu COVID-19 ba loron 26 Agostu hamutuk 307. Liuhusi komunikadu imprensa, Koordenador Forsa-Tarefa ba Prevensaun no Mitigasaun Surtu Covid-19 iha Timor-Leste, (CIJK-SS), Dr Rui Maria de Araújo relata katak kazu detetadu foun ne’ebé relata ohin iha nain 307 (iha Dili 243 & Baucau 30, & munisipiu seluk hamutuk 34) no husi total kazu detetadu foun ohin: mane 154, feto 153.

Husi total kazu detetadu foun ohin, hirak ho idade tinan ho idade>60 nain 13, total kazu detetadu foun ohin, 107 kazus ka 34,8% maka sintomátiku (hatudu sintomas). Husi kazu detetadu foun ohin, 114 (37%) iha ona vasina kompletu & 21 (7%) hetan ona vasina doze dahuluk.

Kazu rekuperadu nain 152, total kazu ativu ohin 4.203. Total kazu konfirmadu kumulativu sura husi 21 Marsu 2020 to’o ohin loron hamutuk 15.603, kazu obitu ohin loron nain 4, nune’e total kazu obitu sae ona ba 56.

Ba kazu obitu ho detalle tuir mai ne’e feto idade tinan 65, timoroan, hela iha Dili, seidauk vasina, iha 24 Agostu diagnóstikadu sindroma insufisiénsia respiratória aguda (SIRA) tan bá Covid-19, no hahú halo tratamento iha Vera Cruz, iha loron ne’e kedas.

Matebian iha mós istória sofre moras tuberkuloze, hipertensaun & diabetes. Ohin dader oras 03:30 matebian iis-kotu.

Kazu seluk mane idade tinan 69, timoroan, hela iha Dili, simu ona vasina doze kompletu, iha 23 Agostu de 2021 diagnóstikadu sindroma insufisiénsia respiratória aguda (SIRA) tanbá Covid-19, no hahú halo tratamentu iha Lahane, iha loron ne’e kedas. Matebian iha mós istória stroke hemorájiku. Ohin dader oras 04:30 matebian iis-kotu.

Iha tan mane idade tinan 69, timoroan, hela iha Dili, seidauk simu vasina, iha 26 Agostu 2021 diagnóstikadu sindroma insufisiénsia respiratória aguda (SIRA) tan bá Covid-19, no hahú hala’o tratamentu iha HNGV, iha loron ne’e kedas. Ohin dader oras 02:00 matebian iis-kotu.

Ikus liu mane idade tinan 23 timoroan, hela iha Viqueque, seidauk simu vasina, iha 25 Agostu 2021 diagnóstikadu sindroma insufisiénsia respiratória aguda (SIRA) tan bá Covid-19. Ohin dader atu transfere mai Vera Cruz liu husi ambulánsia aérea, maibé matebian iis-kotu tuku 10:45 dader, ida dalan ba aeroportu Viqueque. Matebian iha mós istória sofre moras tuberkuloze.

Print Friendly, PDF & Email

LEAVE A REPLY

Please enter your comment!
Please enter your name here