Reportajen Francisco JDA
Masakre Setembru Suai-Kovalima ne’ebé akontese iha Loron 6 Setembru 1999, nu’udar masakre boot ne’ebé hala’o hosi milísia sira pro-autonomia bainhira rona rezultadu votasaun iha loron 4 Setembru, no hahu akontese violensa iha territóriu tomak, inklui igreja Ave Maria Suai, no oho populasaun kuaze 200 resin, inklui padre no madre sira
Hanoin hikas fali loron trajédia Masakre Negro Suai, liuhusi plenari iha uma fukun Parlamentu Nasional, Deputadu Bankada FRETILIN, David Dias Mandati hateten, tuir lolos boot sira presiza halo reflesaun, la’ós tanba ukun rasik an, nune’e buat sira ne’e los hotu ona, masakre iha Suai, ema tau hamutuk sunu hanesan animal ne’e labele, tuir lolos boot sira tenke tur hamutuk hanoin, bolu frente Armadas, klandestina no diaspora sira tur hamutuk buka solusaun.
“Ema iha Suai sira tau hamutuk sunu hanesan animal ne’e labele ita tenke hanoin malu uituan, labele hanoin de’it ita nia an, boot sira ne’e tenki tur hamutuk apartir frente Armadas, klandestina no Diplomátika,” hatete Deputadu David iha uma fukun Parlamentu Nasionál, 06/09
Deputadu ne’e dehan timoroan ne’ebé mate iha funu laran tenke buka tuir tan saida mak sira sunu, maski iha ona rekonsiliasaun mak hala’o hosi Komisaun Amizade Verdade no Rekonsiliasaun ( CAVR) maibé ne’e la taka dalan, katak bele perdua malu maibé labele haluha ema oho asasíniu.