Reportajen David da Costa Gusmao
Suku Fahi-Nehan iha postu administrativu Fatuberliu munisípiu Manufahi laiha ekipamentu hanesan Komputador, laptop no printer hodi apoia serbisu iha administrasaun suku nian.
“Difikuldade ne’ebé mak ami iha foho ne’e enfrenta mak ekipamentu hanesan Komputador, laptop no printer servisu sira iha administrasaun suku hodi apoiu ita nia komunidade sira iha parte administrasaun nian no halo proposta hodi ajuda ita nia inan aman ita laiha ekipamentu sira atu ajuda ita” dehan apoiu administrasaun Suku fahi-nehan, Cipriano Vasco, iha salaun Parokiál Manufahi, kuarta, 17/11.
Tanba ne’e iha suku Fahi-Nehan iha pedidu simples ida, hato’o ba Prezidente Repúblika atu apoiu hela ba parte administrasaun suku Fahi-Nehan.
Hatan ba preokupasaun ne’e Vise Ministériu Estatál, Lino De Jesus Torrezão hatete konaba fasilidade suku ninia sei kompleta komputadór ho printer dala ida ho set ida ba iha suku, “konaba fasilidade ba iha suku ami kompleta ho komputer, printer ho set ba ba iha suku 452 ne’e iha hotu tia ona,”.
Vice Ministru ne’e dehan maibe enfrenta hela pandemia Covid-19 ne’e, prosesu aprovizionamentu bele liu tia ona mas kompañia ida ne’ebé manan tender, atu ba hetan tia difikuldade tanba kompañia ne’e fabrika ba komputador bankrut.
Ida fali mak agora buka meus oinsa mak atu komputador atu mai, maibe nia espesifika tenke nafatin, se nia esfek mak la hanesan ita emprenta hela problema no viola lei.
“Tan ida ne’e mak ami ministru administrasaun estatál, sei esforsu tomak hodi ko’alia kompañia atu hatama komputador ho printer sira ne’e iha fulan Dezembru nia laran,” hakotu nia.