Reportajen Adalgisa Pereira
TradeInvest lansa guai esportadór Timor-Leste, hanesan matadalan hodi ajuda setór publiku no privadu sira, atu lori produtu Timor ba iha merkadu internasionál.
Ba jornalista reprezentante Diretor Ezekutivu TradeInvest Timor-Leste, Dencio Ribeiro Sarmento hateten guia esportadór Timor-Leste sai hanesan matadalan ida, hodi ajuda kontinua lori ita nia produtu sira ba merkadu internasionál, TradeInvest fiar katak esportadór sira sei iha oportunidade, no sei hetan benefísiu boot hodi asesu ba komérsiu internasionál, sei fo biban ba empresa timoroan sira hodi asesu ba merkadu global sira,” Dehan Dencio Ribeiro Sarmento hotel Novo Turizmu 20/12
Nia haforsa liu tan guia ida ne’e fo biban ba empreza importasaun no esportasaun, atu bele asesu ba informasaun kona-ba prosedimentu regra, oinsa atu halo importasaun no esportasaun ba produtu sira.
“Objetivu prinsipál atu dezenvolve guia esportadores ne’e ajuda ita nia empresa esportador no importador sira, hodi komprende oinsa sira jere dalan ba esportasaun no informasaun klaru, konaba rekezitu saida mak presiza ba importasaun no esportasaun”, dehan nia.
Nia informa katak lansamentu ba faze dahuluk ba guia esportador, maibe tinan oin TradeInvest bele lori produtu sia ne’e ba merkadu internasional, hodi nune’e kontribui ba kreximentu ekonomia no dezenvolvimentu Timor-Leste.
Programa lansa guia esportadór Timor-Leste ne’e, TradeInvest Timor-Leste serbisu hamutuk ho Market Development Fasility (MDF), hetan Fundus husi Australia, no tinan oin guia hanesan live, atu ema hotu asesu liu husi website.
Konteúdu ida nee mai husi liña ministerial, ajénsia publiku no setór privadu sira. entretantu Timor-Leste rasik halo ona esportasaun ba rai liur hanesan kafé no mina kamii, ne’ebe esporta ona merkadu Xina no Hawai.
Nia konklui TradeInvest iha ona esforsu hodi kontinua fasilita nafatin esportador sira, atu lori produtu ba merkadu internasionál liuhusi guia esportadór dijitál.