Reportajen David da Costa Gusmao
Eskola Ensiniu Sekundaria Kolejiu Imaculada Concesao (IMACOM) hetan premeiru lugar iha kompetisaun Jornal Parede, ho valor 1310 ne’ebe organiza husi Sala Leitura Xanana Gusmão (SLXG) ho Centro Nasionál Chega (CNC).
Iha segundu lugar eskola sekunadaria Jerál Nino konisanta Gleno Eremera ho valór 1190, terseru lugar mak eskola ensinu sekundaria kolejiu saun Miguel Arkanju Dili ho valór 1015, no kuartu lugar mak eskola ensinu Sekunadari Anur grupu B ho valór 790.
Tigao Martins Soares estudante husi Eskola Ensinu Sekundaria Kolejiu Imakulada Konsesaun (IMAKOM) Ermera, sente urgollu tebes ekipa SLXG ho CNC ne’ebé halo ona kompetisaun jornál parede. Primeru senti todan tanba, bainhira ba halo entervista la uza canon ho tep record atu foti imajem no graba, maibe uza telfone android sira ne’e hodi halo entervista, depois mak lori mai hodi hakerek iha affes
“Maske prosesu ne’e todean, maibe ami senti mai aprezenta iha ne’e iha esperansa atu sai primeru lugar, loos duni ohin loron ami sai primeru lugar iha kompetisaun Jronál parede ne’e no mós bele lori ami nia eskola no munisipiu eremera nia naran mai iha fatin ida ne’e,” nia dehan iha edifisiu Sala Litura Xanana Gusmão (SLXG) nian iha lisidere, sexta 7/01.
Nia esplika tan sira nia prosesu hakerek jronál Parede iha fulan ida, hahú husi dia 4 dezembru to’o mai iha dia 4 janeiru tinan ne’e mak sira foin finaliza hakerek Jornál parede ne’e.
“Hau nia mensajem ba kolega sira liuliu ba eskola sira ne’ebé ohin la hetan klasefikasaun, iha dalan diak liu tan ba kolega sira atu akaas an, esforsu atu nune’e bele kompete tan fali iha tinan oin mai”, nia hato’o.
Koordenadór operasionál Sala Litura Xanana Gusmão (SLXG), Manuel Eliseu R. P. Soares, mós fó korajem ba estudante sira ne’e tuir kompetisaun ne’e katak ida ne’e laos se mak mana no se mak lakon mas ida ne’e atu motiva alin sira no fo hanoin nafatin ba alin sira, no alin sira bele kontinua fahe fali saida mak alin sira aprende ona ne’e fahe fali ba alin sira uma.
Nune’e mós Prezidente Asosiasaun Jornalista Timor-Leste (AJTL) no aktuál editor Media Online Neon Metin, Zevonia Vieira nu’udar mós juri ba iha kompetisaun ne’e hateten, iha era dijitál ema barak mak uza teknolojia pasa tempu halimar sosiál media, no jornál parede atividade ne’ebé halo ona iha tempu uluk, espera motiva nafatin alin estudante sira, hodi espresa sira nia hanoin, kreatividade no abilidade ne’ebé iha hodi hakerek istoria no toman hakerek ho liman, halo dezeña tau iha jornál parede, atu nune’e bele dezenvolvimentu liu tan estra kurikular iha kada keskola liu liu iha eskola publiku sira.
“Hau kontente tanba iha kompetisaun ida ne’e eskola publiku sira husi Munisipiu sira mós tuir no sira hetan primeru lugar, segundu lugar no terseru lugar, ida ne’e hatuda katak eskola iha munsipiu sira mós iha prosesu dezenvolvimentu ne’ebé diak”, nia dehan.
