Reportajen David da Costa Gusmao
Ofisiálmente partidu Kmanek Haburas Unidade Nasionál Timoroan (KHUNTO) kompleta ona dokumentu no ohin rejistu nian kandidatura Armanda Berta dos Santos, iha Tribunál Rekursu (TR) atu konkore iha Eleisaun Prezidensiál tinan 2022-2027.
Prezidente ekipa susesu Nasionál kandidatura PR 2022-2027 Armanda Berta dos Santos, Marito Magno hateten ohin mai kompleta dokumentu balum ne’ebe mak iha Sesta (28/01) seidauk kompletu, ne’ebe ohin mai kompleta ona dokumentu sira ne’e.
“Ohin Kandidatura Armanda Berta Dos Santos, nia ekipa susesu, ne’ebe reprezenta ita nia kandidata mai kompleta dokomentu ne’ebé iha sexta (28/01) ita seidauk Kompleta, ne’ebé ohin ita mai kompleta dokumentu ne’ebé tuir lei haruka ho ida ne’e mak ami mai kompleta fali dokumentu eletróniku. Ami garantaia katak ami nia dokumentu ne’e los hotu ona,” , Prezidente ekipa susesu Nasinál kandidatura PR 2022-2027 Armanda Berta dos Santos, Marito Magno ba jornalista sira hafoin remata aprezenta kandidatura Armanda Berta iha Trinunàl Rekursu, Kaikoli Sesta 28/01.
Nia dehan konserteza parte husi Tribunál Rekursu simu ona, nia prosesu kontinua lao ba oin. ” Sim rejistu ona, ita hein notifikasaun Tribunal tuir lei haruka, nia prosesu ba oin para lori hetan desizaun husi tribunal konaba kandidatu ne’ebé sei kompete iha elisaun prezidensiál”.
Prezidente Ekipa Susesu ho forsa polítika hamutuk 8.641 hosi apoiante 13 munisípiu inklui Rejiaun Administrativu Espesiàl Oecusse Ambeno (RAEOA).
Lista Proponente ne’e ita mantein nafatin 8,641. Lista sira husi kada munisípiu KHUNTO hetan iha Dili 1.470, Manatuto 804, Ermera 801, Baucau 742, Liquiça 612, RAEOA, 599, Aileu 570, Manufahi 507, Viqueque 476, Bobonaro 447, Covalima 493, Lautem 404, Ainaro 588, Atauro 140.
Marito hatutan tan kampaña kandidatura Armanda Berta dos Santos sei hahú abertura iha munisipiu Ainaro.