Reportajen David da Costa Gusmao
Dokumentu kandidatura Prezidente Repúblika independente Virgilho Guterres “Lamukan”, nia dokumentu Tribunal Rekursu (PR) haruka Fila tanba presiza kompleta dokumentu balun.
Kandidatu Prezidente Repúblika independente Virgilho Guterres “Lamukan”, hateten dokumentu ne’ebe mak ohin lori mai ne’e ofisiál supremu tribunál justisa identifika iha buat rua maka presiza halo karta asitasaun no eleitoral sira ne’e hatuur tuir kada munisípiu.
“Dokumentu ne’ebé mak ami lori ba, Ofisial Supremu Tribunal Justisa nian identifika iha buat rua. Ida reprezentante tanba nain rua, entaun presiza deklarasaun asitasaun ne’e iha rua, ami mai lori ida deit entaun presiza halo tan ida, atu nune’e reprezentante ema nain rua ne’e mai. Ida fali sira haree ami nia lista, no sujere mai ami atu hatuur tuir munisípiu ida-idak, tanba ami mai tau hamutuk de’it iha versaun no iha eletrónika mak ami tau tuir munisípiu,” dehan Lamukan iha Tribunál Rekursu (TR), Kaikoli, Segunda 31/01.
Kandidatura Prezidente ne’e haktuir em jeral sira haree dokumentu hirak ne’e los ona, falta mak buat rua ne’e, deklarasaun asitasaun ne’e prezisa ida tan no lista elitorál sira tau tuir munisipiu ida-idak
“Atu fasilita, sira sujere dehan di’ak liu ba tau tuir munisípiu ne’ebe bele fasilita sira, ami aseita ida ne’e, ami lori fila fali ba hadia ohin, tanba aban feriadu, entaun bainrua mak sei mai fali hodi rejistu,” tenik nian
Nia hatutan dokumentu seidauk kompleta nune’e ohin seidauk bele rejistu,”ne’ebe ami sei lori fila hadia hotu tiha lai, maka iha Kuarta dadeer ami ba rejistu fali”.
Proponente ne’ebé mak apoiu Lamukan mais ou memus 7000 resin ne’ebe mai husi munisípiu 13 inklui Rejiaun Administrativu Espesiál Oe-cusse Ambeno (RAEOA).