Reportajen Silvino Freitas
Sekretario Estadu Protesaun Sivil (SEPS) hamutuk ho linas ministeriais ba implementasaun Planu Asaun Nasional 1325 (PAN 1325), kona ba Feto Paz no Seguransa halo sorumutu daruak, hodi halo validasaun ba ezbosu PAN 1325.
“Planu asaun annual PAN 1325 ne’e mai husi Rezolusaun Konsellu Seguransa Nasoen Unidas nian kona ba Feto Paz no Seguransa, tanba ne’e ohin ami hamutuk ho linas ministeriais realiza sorumutu hodi halo validasaun iha faze daharuak nian” dehan SEPS Joaquim dos Reis Martins hafoin sorumutu iha Room orchid Timor Plaza,(15/02).
Nia hateten iha tinan kotuk SEPS hamutuk ho liña ministerial sira halao ona sorumutu ba faze dahauluk, dadaun ne’e hahu ona hakerek ba esbosu final ba PAN 1325 ne’ebé sei implementa iha tinan 2022 too 2026.
“Ohin sorumutu ne’e SEPS realiza hamutuk ho linas ministeriais sira husi instituisaun governo nian, ne’ebé sai implementador ba programa refere iha sira nia instituisaun idak diak” nia dehan.
Nia hatutan tan katak PAN 1325 lidera husi Ministeriu Interior no SEPS liu husi Diresaun Nasional Prevensaun Konflitu Komunitariu(DNPKK) no hetan apoiu tekniku husi UN Women no finansia husi governo Australia no Swedia.