Tenente Jenerál Domingos Raul ‘Falur Rate Laek hateten Komodoru Donaciano do Rosário da Costa Gomes (Pedro Klamar Fuik) sei nafatin lidera Institutu Defeza Nasionál (IDN), tanba seidauk halo ezonerasaun husi nia kargu nu’udar mós Diretór IDN.
“Ha’u hanoin Sim, agora sei nafatin enkuantu seidauk halo enzonerasaun ba nia, nia mantein, kuandu enzonera ona nia, depende ba institutu IDN nia haruka”, dehan Tenente Falur hafoin partisipa serimónia tomada da pose Vice-Xefe Estadu-Maiór Jenerál Forsas Armadas no Xefe Estadu-Maiór Forsas Armadas iha Palasíu Prezidensiál Bairo-pite, tersa (15/02).
Nia hateten ba kapasidade jestaun administrativu ne’e mak ita hare, serbisu dupla ne’e diak hela ita mak hatene jere.
“Depois mak iha ne’ebá sei tuir ema idaidak nia kareira, ema idaidak nia data baze iha kapasidade para halo jestaun ba administrasaun ka ba instituisaun ne’ebá pois mak haree. Servisu rua ne’e di’ak hela, ita sira ne’e dupla funsaun hotu de’it, di’ak hela, ita mak hatene jere sa”, informa Falur.
Iha fatin hanesan Xefe Estadu-Maiór Forsas Armadas (F-FDTL), Komodoru Donaciano do Rosário da Costa Gomes (Pedro Klamar Fuik) hatete, Se karik iha konjugasaun esforsu iha lideransa orientasaun ba kualker instituisaun tanba nesesidade halo esforsu ida tanba Timor iha eskases barak, limitasaun barak, ho rekursu ne’ebé mak iha, prepara rekursu atu bele fó kontinuidade ba sustentasaun estadu nasaun ida ne’e mais importante.
“Iha naturalmente ke ierarkia instituisaun nian, iha potensiais kandidatus e nune’e mós iha institutu Defeza Nasionál, iha institutu ida propriu é uma instituisaun autónomu iha administrasaun, iha rekursus, finanseiru nomós iha patrimoniu, signifika katak sé de’it mak ba iha diresaun institutu Defeza nasionál tenke priense kriteiru ne’ebé estabelesidu tuir kuadru organiku”, tenik nia.