Reportajen Bernarda da Costa
Alumni Parlamentu Nasional Timor-Leste APFTL realiza Asembleia Jerál, hodi diskute kona-ba orsamentu sira ne’ebé gastu ba atividade, no programa APFTL nian durante tinan ida, hodi hatudu transparénsia iha instituisaun ka organizasaun nian.
Presidente APFTL, Zaulino Gomes da Silva hateten programa ida ne’e hanesan estatutu no rejimentu sira iha prosedimentu internal, iha organizasaun no tenke hakruuk ba ida ne’e, no forum ida ne’e tenke nakloke ba membru hotu, no membru tenke hatene katak organizasaun tinan ida ne’e hetan osan hira no gasta ba saida tenke relata.
“Iha 2021 ami hetan osan hamutuk $290.00 mil, husi montante ne’e ami konsege ezekuta 83% husi osan ne’e, mai husi fontes 3 hanesan Governu liu husi Sekretáriu Estadu Juventude no Desportu (SEJD) no mos husi parseiru internasionál sira hanesan OXFAM no UNICEF,” dehan Prezidente APFTL iha salaun CNE, Sesta 25/02.
Nia haktuir APFTL iha programa 6 no atividade 82 iha tinan 2021, maibe halo revizaun ajusta ho situasaun COVID-19 no kalamidade klimátika, halo revizaun no hatún ba atividade hamutuk 63, no atividade sira ne’e iha programa ida ne’ebe foka liu ba dezenvolvimentu koñesimentu juventude iha moris saudavel, oinsá atu hateten ba joven sira atu moris ho saudavel.
“Ami kontinua fomenta servisu ba joven sira ne’ebe iha abilidade atu identifika konaba problema sosial ne’ebe akontese liu-liu liga ho problema sosial ne’ebe afeta ba joven sira nia moris no dezenvolve konesimentu joventude iha moris ida ne’ebe maka siviku, bele halo violentu fo formasaun atividade konaba edukasaun sivika no abilidade moris”, dehan Zaulino
Nia subliña husi programa ne’e APFTL konsege ezekuta nia programa, ne’ebe hare husi estatístika atinje deit 46% no 54% la atinje tamba fo kontribuisaun boot liu ba COVID, no kalamidade klimátika.
“Iha 2022 APFTL iha programa 5 no atividade 38 ne’ebe maka atu realiza, ho programa 4 foka ba external no programa ida foka ba internal, tanba programa ne’e hatuur husi planu estratéjia no labele muda programa ida nia naran kada tinan-tinan”. dehan Zaulino
Iha tinan 2022 programa ne’ebe mak iha, presiza orsamentu ne’ebe prevee hamutuk $300.00 mill, maibe orsamentu ne’e seidauk iha, nune’e servisu ida ba ami maka oinsa atu buka osan , no daudaun ne’e APFTL iha 300 resin membru, no kada tinan sempre aumenta 100 resin ,membru hirak ne’e mai husi nivel postu sira iha Timor laran.