Reportajen David da Costa Gusmao
Komemora loron veteranu nian, nune’e kandidatu Prezidente Repúblika (PR) ba periodu 2022-2027 ho numeru sorteiu 16, Mariano Assanami Sabinho Lopes kansela nia kampaña, tanba nu’udar jerasaun foun atu dignfika loron veteranu nian, no mós dignfika eroi sira, ne’ebé mate ona ba luta independénsia Timor-Leste ninian.
Portavoz kandidatu Prezidente Repúblika (PR), Mariano Assanami Sabinho Lopes nian, António Calohan informa kampaña ba kandidatu Prezidente Repúblika (PR), Mariano Assanami kansela tanba loron ida ohin, loron eroi no veteranu ninian, ne’ebé luta ba iha independénsia Timor-Leste ninian, họ ida ne’e maka atu dignifika veteranu sira hotu, no mós atu fó onra ba erois sira hotu ne’ebé mate ona ba ukun rasik-an ida ne’e.
Ho ida ne’e loron ohin kandidatu PR Mariano Assanami Sabinho Lopes ho númeru sorteu 16 ninian hato’o kmprimentus ba povu Timor-Leste tomak, katak iha loron ida ohin kandidatura PR la halo atividade kampaíña iha munsipiu sira no inklui Reijaun Espesiál Oecusse Anbeno (RAEOA).
“Ami maske iha kalendariu ne’e aprova husi CNE ami hatene ida ne’e, tanba kandidatu sira seluk mós kampaíña iha loron ohin ninia, em prinsífiu ami hanoin katak ami mós halo maibe ami tau uluk respeitu no dignfika loron veteranu ninian, atu dignfika mós erois sira ne’ebé maka mate tiha ona tanba ne’e ami la realiza ami nia kampaíña, mesmu hanesan ne’e ami informa ona ba munisipiu sira hotu inklui RAEOA katak kandidatu PR ohin loron la halo nia kampaíña,” dehan portavoz Kandiatu PR Mariano Assanami Sabinho Lopes nian, António liuhosi konferensia imprensa iha sede PD Kolmera, Kinta 3/03.
Nia haktuir kandiatu PR, Mariano Assanami Sabinho Lopes Partidu Demokratiku (PD) maka nomea nia hodi oferese nia nu’udar kandidatu Nasionál, ho ida ne’e hakarak atu hakruk ba veteranos sira hotu, hakarak atu dignifika eroi sira hotu ninia sakrifísiu ba Timor-Leste ninian ukun rasik-an.
“Ho ida ne’e kandiatu PR Mariano Assanami mós atu fó onra ba loron ida ohin ne’e nu’udatlr ninia ba unidade nasionál Timor-Leste ninian hodi hametin situasaun sira durante ne’e ita hotu-hotu halerik tanba ida ne’e nia nu’udar kandidatu hakarak atu dignfika erois no veteranos sira hotu” tenik nian
Nia salienta Kandidatu ne’e mós sei ba vizita Jardin dos erois Metinaro, Halo presta omenajem ba erois sira no Hodi bele nafatin lori espiritu sira ne’ebe maka mate ninin ba iha ninia kandidatura hodi lori fila fali estabilidade ba rai ida ne’e.