Reportajen David da Costa Gusmao
Iha Australia la halo atualizasaun baze de dados, nune’e Komisaun Nasionál Elisoens (CNE), liuhosi deliberasaun unanimidade husu ba STAE atu la halo eleisaun Prezidensiál iha Australia.
Prezidente Komisaun Nasionál Elisoens (CNE), José António Belo infroma konaba deliberasaun ida CNE asina unanimidade liuhosi plenária, depois CNE iha inisiativa halo karta ba iha Tribunál, oinsa atu estabelese centru votasaun iha Australia tuir rezolusaun ne’ebé maka iha.
“Mas ita hotu hatene katak iha konstituisaun iha Artigu 75 iha numeru 2 ne’e hateten katak resenseamentu ne’e obrigatornu.” dehan José António Belo liuhosi komferensia mprensa iha CNE, sexta 4/03.
Nia haktuir atualizasaun dados ne’e kada tinan iha eleisaun sempre halo, maibe tanba la akontese atualizasaun base de dados iha Australia, entaun lei ne’e dehan fó kompeténsia ba orgaun independente ida atu haree ida ne’e. Ho ida ne’e CNE hola nia pozisaun, dispozisaun legal fó kompetensia ba CNE.
“CNE liuhosi deliberasaun unaminidade no komisariu hotu-hotu, katak ita husu ba STAE para la halo eleisaun iha Australia,” nia hateten.
Nia salienta tanba desizaun iha ona, no sai iha jornál repúblika iha ona efeitu juridika, ho ida ne’e la taka dalan ba iha kandidatu hotu no nia ekipa sira. Karik la konkorda ho desizaun ida ne’e bele keixa ba Tribunal hodi resolve.
“Ekipa no kandidatu Prezidente Repúblika sira se la konkorda ho desizaun CNE, iha dalan diak liu maka bele hato’o keixa ba Tribunál , ho nune’e atu ita labele julga malu iha fali media, tanba ita iha kultura demokrátiku, ita serbisu lao tuir ida ne’e,” esplika nia.
Ikus Prezidente CNE husu ba kandidatu no ekipa sira atu komprende no respeita órgaun sira, nune’e bele asegura ne’e o diak