Reportajen David da Costa Gusmao
Juventude FRETILIN (JF) husi postu administrativu Don Alexo Munisipiu Dili, hamutuk ho estrutura Juventude FRETILIN no militatante FRETILIN iha eis merkadu Comoro, louva no rekoñese katak kandidatu Prezidente Republika (RP), Dr. Francisco Guterres Lu-Olo hanesan lider exemplar ba sosiedade Timor-Leste.
“Ami juventude FRETILIN louva no rekoñese kandidatu Dr. Francisco Guterres Lu-Olo hanesan lider exemplar ba sosiedade Timor-Leste, nia hanesan ema kaben nain katolik no aman exemplar ba oan sira no familia maski nia iha okupasaun barak hanesan ema politika no estadista,” dehan portavoz João liuhosi konferensia imprensa iha eis merkadu Comoro, 5/03.
Portavoz ne’e hateten kandidatu Lú Olo, nia iha jenerozidade hodi simu grupu oin-oin hanesan grupu feto, ema ho defisiénsia, toos nain, artista sira inklui grupu orgranizasaun arte marsiais no rituais sira no la diskrimina sira, no kandidatu ne’e hatudu duni prezidente ba povu tomak.
Kandiatu ne’e hanesan militante diak ida iha partidu FRETILIN ne’ebé komprometidu no dedika a’an tomak iha tempo Resistência Armada to’o Referendum, no tutan nafatin to’o ohin loron hanesan Presidente do Partida FRETILIN, no eleito mos hanesan Presidente da Republika de Timor Leste, Periodo mandatu tinan 2017 to’o 2022.
“Ami louva kandidatu ne’e tanba nia espírito, pasiénsia hodi serbi, ho nia matenek no experiência ne’ebe hatudu ona ba Povo Timor-Leste, liu husi knar importante ne’ebe povo Timor-Leste no Partido FRETILIN fó- fiar ba nia mak hanesan Presidente Parlamento iha Primeira Legislatura no Presidente eleito da Republica Democrática de Timor-Leste periódo mandato 2017-2022. Ami louva nia lideransa, bainhira sai hanesan Presidente da República, luta tuir dalan Constituição atu hatur lideransa nação, ne’ebé nafatin ho integridade moral no responsabilidade social, atu ukun-nain sira do’ok husi korrupsaun, nepotismu no kolusaun,” tenik nia.
Juventude FRETILIN mós rekoñese, no louva Dr. Francisco Guterres “LU-OLO” nia lideransa, hodi halo intervensaun ho nia kompetênsia tomak hanesan Presidente República liu husi, fó solusaun pragmátiku atu iha kontinuasaun de governasaun bainhira estadu, nasaun no povo Timor-Leste presiza nia nakonu tulun, no louva nia hanesan Presidente da República ne’ebé acolhedor no sempre rona hanoin sira husi pilar hotu.
“Ami Juventude FRETILIN postu administrativu Dom Aleixa, Munisipiu Dili, hamutuk ho estrutura Juventude FRETILIN no militantes iha eis merkadu Comoro, reafirma ami nia pozisaun nafatin hanesan hodi kumpre rezolusaun no 01/1-KNIF/2022, kona ba konsistensia no banati tuir dezisaun partido FRETILIN relasaun ho rekandidatura Francisco Guterres Lu-Olo ba Prezidenti epublika ba períodu 2022 2027,” nia explila.
Ho ida ne’e estrutura JF iha postu administrativu Dom Aleixa, Munisipiu Dili, hamutuk ho militante simpatisantes iha eis merkadu Comoro, estrtura JF iha suku Bairo Pite, Bebonuk, Kampung Alor, Fatuhada Madohi, Comoro Manleuana, no aldeia 71 iha postu Don Aleixo nian, JF mós hamutuk ho OPMT no organizasaun masa postu Don Aleixo, munisipiu Dili nian, apoiu tomak ba kandidatu Lú-Olo nia rekandidatu ba iha PR periodu 2022-2027.