Reportajen Joanina Casemiro
Gabinete Ministru Defeza hasoru malu ho Embaixadór Australia hodi halo enkontru ko’alia kona-ba kooperasaun entre Governu Timor-Leste no Governu Australia iha area defeza nian, no reprezenta mos kona-ba jestaun ne’ebé todan, liu-liu Kona-ba modernizasaun ho dezenvolvimentu kapasidade F-FDTL nian.
“Hau aprezenta pontu ha’at (4) ba sira atu servisu ne’ebé la’o durante ne’e ho Embaxador Australia nian ne’e, ami hala’o servisu barak ona tanba servisu ha’at ne’e mak ita hakarak hala’o ba oin ho Embaixadór foun ne’e”, Dehan Ministru Defeza FDTL Filomeno da Paixão de Jesus, hafoin enkontru iha Sala Enkontru Korteiza Ministru Defeza Fatuhada .
Ministru Filomeno da Paixão de Jesus hatete primeiru mak sira asina agreement entre Australia ho Timor-Leste kona-ba kooperasaun iha area defeza, no fo mós Sofa iha Australia. Segundu mak ko’alia kona-ba seguransa Marítima nian, maibé sei tau ba iha portu Hera nian atu bele asegura Ró klase Verdial rua ne’ebé sei mai iha 2023.
“Ita iha ona 60 membru ne’ebé kantu treinu kaer Ró klasse Verdial foun ne’e sira ba iha nain 10 ou 5 ba iha Australia maibe ikus ne’e sira sei ba dala ida de’it 60 atu nune’e ba iha ne’eba toman tiha Ro bo’ot rua ne’e atu sira mai ho Ró klase Verdial rua ne’e. Ikus liu ita ko’alia ba iha asisténsia ba iha dezastre naturais, ohin hau husu ba Australia atu bele fo apoiu treinu diak ba ita nia forsa sira”, dehan Ministru Defeza
Iha Fatin hanesan Embaixadór Australia iha Timor-Leste, Bill Costello hateten formalmente ho introdús -an ba Ministru hamutuk ho nia arkivu defeza Australia nian, ne’ebé enkontru ho Ministru Defeza iha Asuntu barak ne’ebé ko’alia kona-ba kooperasaun entre defeza Australia ho Timor-Leste.