Reportajen Joselina dos Santos
Embaixada Japaun iha Timor-Leste apoiu ekipamentus komputadór 10 ba Komisaun Nasionál Eleisaun (CNE), liu husi United Nation Development Programme (UNDP), COVID-Resilient Elections in Timor-Leste (CORE-TL), ho objetivu atu eleva koiñesimentu komponente jestor eleitorál sira nian, hodi transmite informasaun eleitorál ho efisiente no efikas iha tempu eleisaun ne’ebe sei mai.
Iha diskursu ne’e, Prezidente CNE Jose Agostinho Belo hatete Sentru Tabulasaun Nasionál CNE no Estabelesimentu Plataforma Transformasaun Dijitál, ne’ebé hetan apoiu husi projetu UNDP CORTE-TL, Ne’e ofisialmente halo lansamentu ba Sentru Tabulasaun Nasionál no Plataforma Transformasaun Dijitál ne’e dezenvolve tanba iha kooperasaun ho UNDP COVID-Resilient Elections in Timor-Leste (CORE-TL) ho objetivu atu eleva koiñesimentu komponente jestor eleitorál sira nian hodi transmite informasaun eleitorál ho efisiente no efikas iha tempu eleisaun ne’ebe sei mai.
“Espetativa husi estabelesementu Plataforma Transformasaun Dijitál foun ne’e, hodi hasa’e numeru partisipasaun sidadaun to’o 10.000 ba leten hodi asesu informasaun ne’ebe loos no atual kona-ba eleisaun no lalaok ba prevensaun COVID nian,” Dehan Prezidente CNE Jose Agustinho Belo iha Diskursu, iha Salaun Auditóriu CNE Kolmera, 17/03.
Reprezentante Rezidénsia UNDP Munkhuya Altangerel hateten eleisaun ne’ebe mai sei realiza iha situasaun pandemia nia laran no efitividade komunikasaun ne’e prioridade tebes ba eleisaun, ita tenke garantia atu fornese Informasaun ne’ebe sufisiente ba eleitores no funsionariu sira atu prevene Covid-19.
“Sentru Tabulasaun Nasionál no Plataforma Transformasaun Dijitál ne’e signifikativu tebes ba siatema ida ne’ebe halo sidadaun hotu bele asesu ba informasaun importante sira kona-ba eleisaun no Covid-19” Haktuir Reprezentante Rezidensia UNDP Munkhuya Altangerel.