Reportajen Joanina Casemiro
Governu Japaun iha Timor-Leste fo agradese ba asisténsia professional UNDP nian, tanba bele servisu diak ho Komisaun Nasional Eleisaun (CNE) no Sekretáriu Tékniku Administrasaun Eleisaun (STAE), ho susesu, no implementa ona prosesu nesesáriu sira ba eleisaun nian tuir planu ne’ebe iha. Espera katak buat hotu bele la’o ho di’ak no eleisaun ida ne’e sei remata sem problema ruma.
“Ohin loron, ha’u kontenti tebes hodi mai partisipa iha eventu Lansamentu importante ida ne’e ba Eleisaun Presidensial periode 2022-2027 iha Timor-Leste,” dehan Embaixador Japaun iha Timor-Leste Masami Kinefuchi hafoin Seminariu ba Jornalista sira iha Salaun Auditóriu Salaun CNE Kolmera, 17/03.
Nia dehan eleisaun istóriku ida, eleisaun Prezidensiál ba dala lima la’o dadaun. Nia sai da testamuña ba kampaña eleitoral ne’ebe nakonu ho entuziasmu iha país laran, inklui mos debate manas entre kandidatu Presidensial sira horseik.
“Eleisoens ne’ebe justu mak baze husi demokrasia. Tamba ida ne’e mak Japaun apoiu eleisoens iha Timor-Leste durante tinan 20 (rua nulu) resin komesa husi referendu iha tinan 1999 (rihun ida atus sia sia nulu resin sia). Sira sente orgulhu ho asistensia kontínua,” dehan Masami
Nia hatutan eleisaun Prezidensiál ida ne’e mak eleisaun primeiru ne’ebé implementa iha pandemia Covid-19 nia laran, no presiza preparasaun diferente sira hodi responde ba situasaun pandemia ne’e.
“Ami konsidera ida ne’e mak Japaun deside hodi oferese apoiu espesial ba eleisaun reziliente Covid nian liu husi kolaborasaun ho PNUD uza finansiamentu millaun 4 (ha’at) doláres amerikanu husi osan kontribuisaun taxa povu Japones sira nian” .
Nia dehan ohin loron, kontente haree ita hakat pasu ida tan, lansamentu ba CNE nia Centru Apuramentu Nasional no Plataforma Digital ka website ne’ebe mak kobre prosesu tomak husi Eleisaun Presidensial ida ne’e.
“Ami nia asistensia ne’e inklui mos desenvolvimentu software espesial finansiadu husi Japaun no komputadores foun 10 (sanulu). Sistema ho teknolojia modernu ida ne’e sei sai instrumentu úniku no presiozu ba ema hotu hodi hetan informasaun atualizadu kona ba eleisaun no kona ba medidas kontra COVID-19 iha estasaun votus sira nune’e mos rezultadu husi eleisaun wainhira kontajen votus la’o hela,”, dehan Masami
