Home Notisia Diálogu Iha Nitibe, Virgilio: PN Aprova Osan Kada Tinan, Maibe Komunidade Area...

Diálogu Iha Nitibe, Virgilio: PN Aprova Osan Kada Tinan, Maibe Komunidade Area Rural Sei Terus

720
0
Kandidatu PR, Virglio Guterres halo dialogu ho komunidade iha aldeia Bebu-RAEOA. [Foto: Ekipa susesu Lamukan | 02.03.2022]

Reportajen Calisto dos Santos Oqui

Kandidatu Prezidente Repúblika, Virgilio da Silva Guterres ‘Lamukan’ ho numeru sorteiu 12 hamutuk ho komunidade iha RAEOA, iha postu Administrativu Nitibe suku Lela-ufe, aldeia Bebu hahú hala’o kampaña dialogo.

Virgilio informa ba komunidade sira iha Aldeia Bebu katak loron 19 Marsu, Timor-Leste tomak ne’ebé mak iha elitoral sei vota ba ita nia Prezidente foun, nune’e hau husu ba komunidade suku Lela-ufe aldeia Bebu fó imi nia vota ba numeru sorteiu 12.

Hau mai iha ne’e ho razaun tolu (3) mak hanesan Hatan, Hamoris no Hatutan, katak hatan ba nasaun nia bolu, hatan ba povu nia bolu, hatan ba responsabilidade hanesan as’wain sira uluk kaer kilat funu, tamba povu bolu rai ne’e, bolu atu defende nia, depois de ukun an, hau mós hakarak hatan katak asumi responsabilidade ba rai ida ne’e. Tuir mai mak hamoris ita hotu akompaña tinan 20 nia laran ita sei moris iha inserteja nia laran.”01/03/22

Virgilio hatutan katak estrada husi Oe-Cusse mai to’o suku Lela-Ufe sei a’at, povu iha baze ne’eba be’e moós laiha, eskola barak mòs meza ho kadeira laiha, maibé sai iha notisia, televizaun, Rádiu katak ita Timor-Leste riku mina, no mós osan tinan-tinan Parlamentu aprova, no mós osan aumenta hela de’it, maibe komunidade iha área rural sira terus ba estrada, “Hau husu ba komunidade sira iha suku Lela-ufe aldeia Bebu atu fó imi nia votus liu-husi elisaun ida ne’e”.

“Ita sai Prezidente ne’e la’os buka osan, hodi hola kareta foun, uma foun ne’e la los, ita tenke iha responsabilidade ka servi povu”, dehan Virgilio, 02/03

Virgílio konklui katak Prezidente Repúblika mak primeiru ba rai ida ne’e, nia mak simbolu unidade nasional, nia mak konsolidasaun ba independensia ida ne’e.

Print Friendly, PDF & Email

LEAVE A REPLY

Please enter your comment!
Please enter your name here