Home Uncategorized Ekipa Saude Kontinua Buka Tuir Sira ne’ebe Halo Kontaktu Besik Ho Pasiente...

Ekipa Saude Kontinua Buka Tuir Sira ne’ebe Halo Kontaktu Besik Ho Pasiente COVID-19

225
0
Koordenador Forsa-Tarefa ba Prevensaun no Mitigasaun Surtu COVID-19 iha Timor-Leste, Dr. Rui Maria de Araújo. [Foto: David da Costa | 28.02.2021]

Reportazen David da Costa Gusmao*

Relasiona ho kazu konfirmadu pozitivu COVID-19 nain 10 iha Covalima, ekipa konjunta saude sei halo atividade buka tuir kontaktu besik husi cluster Klauhalek no cluster Onu-laran, sei kontinua lao nafatin iha Munisipiu Covalima.

Koordenador Forsa-Tarefa ba Prevensaun no Mitigasaun Surtu COVID-19 iha Timor-Leste, Dr. Rui Maria de Araujo, informa ba jornalista katak husi loron 22 Fevereiru, hafoin detekta kazu pozitivu husi amostra rastreiu seletivu massa, iha Fatumean, to’o horseik loron 1 Marsu ekipa konjunta saude nian husi atividade buka tuir kontaktu besik husi sira ne’ebe pozitivu, hasai total 278 amostras.

“Husi 278 amostra ne’ebe foti mak iha aldeia klauhalek,  aldeia Belulik kraik iha suku Belulik Leten, Fatumea aldeia Onu-laran suku Maudemu Tilomar no Suai Vila”, dehan Dr. Rui iha Sala Situasaun Centro Integradu Jestaun Krize (CIJK), iha CCD Merkadu Lama, 02/03.

Nia esplika husi 278 amostras ne’e nain 8 deit mak pozitivu hamutuk ho nain 2 husi rastreiu (swab test). Total pozitivu ka kazu konfirmadu nain 10 mai hosi cluster Klauhalek ema nain 7 no Onu-laran ne’e ema nain tolu.

Nia subliña ohin atividade buka tuir kontaktu ne’ebe besik iha Tilomar sei lao nafatin. Ekipa konjuntu Saude iha munisipiu Covalima ohin halo mos swab test iha postu administrativu Maukatar ho postu administrativu Zumalai.

Nune’e Dr. Rui mos hateten atividade rastreiu seletivu em massa, ne’ebe hala’o iha loron 16 Fevereiru to’o  25 Fevereiru hatudu rezultadu katak, husi munisipiu Covalima amostra ne’ebe rekolla hamutuk  1372,  pozitivu nain 10 no negativu total 1362, inklui 58 amostras husi Fohorem no 365 amostras husi Fatuk lulik.

Iha Bobonaru total amostras ne’ebe rekolla hamutuk 1298, laiha rezultadu positivu, inklui Oe-cusse rekolla amostra hamutuk 1078 negativu.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here