Home Meio Ambiente Udan no Rai Halai Hafera Joana nia Uma Iha Aldeia Bedois

Udan no Rai Halai Hafera Joana nia Uma Iha Aldeia Bedois

300
0
kondisaun Joao nia uma. [Foto: Adroaldo | 23.02.2022]

Reportajen Adroaldo ‘Saretukau’

Udan ho intensidade moderadu entre loron 21-23 Fevereiru, kauza Komunidade Joana Soares hosi Aldeia Bedois, Suku Camea, nia hela fatin rai halai hodi hafera nia uma no hetan estragu.

Ba Neon Metin komunidade afetadu ne’e hatete, udan iha loron tolu ne’e hafera nia uma hodi hetan estragu ba parede no uma laran, maibé agradese tanba nia ho nia família kondisaun di’ak hotu hela, no oras ne’e sira nafatin hela iha uma refere.

“Udan loron hira ne’e ha’u ho família sira ami di’ak hotu hela, ami sei hela nafatin iha uma, sasán hotu-hotu di’ak tanba ami muda ba fatin seguru. Autoridade sira seidauk mai haree tanba ami seidauk hato’o ba sira,” hatete Joana ba Neon Metin, Kuarta, 23/02.

Joana hatutan komunidade seluk no sira nia viziñu la hetan estragu ba uma, maibé só sira de’it, nia dehan “tanba ami hela iha rai hun, entaun udan durante loron hirak ne’e halo rai halai mak halo ami nia uma laran nakfera, hein de’it para atu monu,” nia hatete.

Nia husu ba governu atu tulun nia família ho apoiu material balu bele hadi’a fali uma ne’ebé nakfera ne’e , “ha’u husu ba governu sira bele tau matan netik simente ho besi oi-tuan para ami bele hadi’a fali,” Joan hato’o.

Udan ne’ebé akontese loron hirak ne’e estraga komunidade nia hela fatin, estrada ne’ebé halo komunidade sai vulneravel, no oras ne’e komunidade barak mak hein hela tulun emerjénsia governu nian ba sira nia problema ne’ebé oras ne’e da-dauk sira hasoru.

Print Friendly, PDF & Email

LEAVE A REPLY

Please enter your comment!
Please enter your name here